काठमाडौँ, असार २८ । नेपालमा आज फेरी सलह प्रवेश गरेको छ । आइतबार सलहका दुई वटा झुन्ड नेपाल प्रवेश गरेका हुन् । सलह सूचना केन्द्रका प्रमुख एवं किट विज्ञ रामकृष्ण सुवेदीले आइतबार बिहान साढे ९ बजे र दिउँसो गरेर दुई वटा झुन्ड दाङमा प्रवेश गरेको बताए । यो सलह भारतको बहराईचबाट ठूलो झुण्डबाट छुट्टिएर प्रवेश गरेको बताईएको छ ।
अ देखि दुई लाख सम्मको यो झुण्ड रहेको अनुमान गरिएको छ ।
यो झुन्ड भारतको बहराइच क्षेत्र हुँदै नेपाल प्रवेश गरेको केन्द्रले जनाएको छ ।
अझै ठूलो झुण्ड प्रवेश गर्ने अनुमान गरिए पनि त्यस्तो झुण्ड भने अझै सम्म आएको छैन । यसअघि सलह सूचना केन्द्रले भारतको राजस्थानबाट उत्तरपूर्वतर्फ हावा बहन थालेपछि झुन्ड नेपाल प्रवेश गर्ने अनुमान गरेको थियो ।
दाङमा सलह प्रवेश गरेपछि राप्ती गाउँपालिकाले कृषकहरुलाई खबर गरेर सचेत हुन आग्रह गरेको छ । गाउँपालिकाले कृषि विज्ञ टोली पठाएको अध्यक्ष नुमानन्द सुवेदीले जानकारी दिए । अहिले मकैबारी र धानखेतमा किसानहरुले भाँडाको आवाज र आगो बालेर धुँवा निकाल्ने काम किशानहरुले गरीरहेका छन् ।