असार २६ काठमाण्डौं । रचनाकार एवं लेखन क्षेत्रमा समेत सक्रिय रहदै आएका गोपाल चन्द्र राइको प्रस्तुति पुर्वेली भाका र संस्कृतिमा आधारित बनेर तयार हुदै गरेको म्युजिक भिडियो छिट्टै बजारमा आउने भएको छ ।
कलाकारहरु लक्षी बर्देवा र जीवन भट्राईको अभिनय रहने छ भने सागर समर राईले यस गीतमा स्वर दिएका छन् । लकडाउनकै बीचमा राईले रचना गरेको यो गीतको हालै राजधानीको किंग्स स्टुडियोमा रेकर्डिगं सकिएको छ । यसमा संगीत विक्रम राईको रहेको छ ।
यो गीतमा सरल र बोलीचालीका शब्दहरु प्रयोगबाट माया प्रेमसगँ जोडिने र आर्थिक जीवन पद्धतिसगँ जोडिएका कुराहरुलाई प्रतिविम्वित गर्ने प्रयास भएको सर्जक राईको भनाई छ ।
नेपाल आयल निगममा कर्मचारी संघको आधिकारीक ट्रेड युनियनका अध्यक्ष समेत रहेका र पत्रकारीता पेशाको पृष्टभूमिबाट आएका गोपाल चन्द्र राईको यस अघि भेटिएको डायरी नामक साहित्यीक कृति प्रकाशित भईसकेको छ ।
