कन्चनपुर,२३ असार । कन्चनपुरमा बालिका बलात्कार गरेको आरोपमा एक बृद्ध पक्राउ परेका छन् । इलाका प्रहरी कार्यालय गुलरियाले ११ बर्षीय बालिका बलात्कार गरेको आरोपमा ६६ बर्षिया बृद्ध पक्राउ परेको हो ।
पीडित पक्षले बलात्कार गरेको प्रहरीमा उजुरी दिएपछि कृष्णपुर नगरपालिका ४ मालुबेलाका ६६ बर्षिया नर बहादुर भण्डारी पक्राउ परेका हुन् । स्थानीयका अनुसार बृद्धले बालिकालाई जंगल क्षेत्रमा ललाईफकाई गरेर बलात्कार गरेको घटना थाहा पाएपछि प्रहरीलाई खबर गरेका थिए । जिल्ला प्रहरी कार्यालय कञ्चनपुरले घटनाबारे अनुसन्धान भईरहेको जनाएको छ ।
कञ्चनपुरका प्रहरी प्रवक्ता अमर बहादुर थापाले घटना आरोपित भण्डारी इलाका प्रहरी कार्यालय झलारीको नियन्त्रणमा रहेको बताए । स्थानीयले घटना बारे सत्यतथ्य छानबिन गरेर दोषि उपर कार्बाहीको माग अघि सारेका छन् ।
दलित समुदायकी बालिका भएकाले केही दलित अगुवा नेतहरुले समेत दोषि उपर कार्बाही नगरे आन्दोलनको चेतावनी दिएका छन् ।