कन्चनपुर, १३ असार । कन्चनपुरको कृष्णपुर नगरपालिकाको वडा नम्बर दुईलाई एक हप्ताका लागि सिल गरिएको छ । कोरोना भाइरसको महामारी नियन्त्रणका लागि भन्दै शनिबार कोरोना भाइरस नियन्त्रण गर्न वडा कार्यालयमा वसेको सर्वदलिय समितिको बैठकले सिल गर्ने निर्णय गरेको हो । वडा कार्यालयलाई आइतबारदेखि एक हप्ताका लागि पूर्ण रुपमा सिल गरिएको वडा अध्यक्ष जयनाराण जोशीले जानकारी दिए ।
कोरोनाको जोखिम नियन्त्रणका लागि भन्दै वाणी वजार लगायतका सबै बजार क्षेत्र हप्ता दिनका लागि सिल गर्ने निर्णय गरिएको वडा अध्यक्ष जोशीले बताए ।
हाल वडामा कोरोना संक्रमितको संख्या १६ जना रहेकोले संक्रमण थप फैलिन सक्ने भन्दै बजार क्षेत्रमा हुने भीडभाड पुर्ण रुपमा रोकी नियन्त्रणको प्रयास गरिएको उनले बताए । अत्यावश्यक कामका लागि आवतजावत तथा किनमेल गर्न सामाजिक दु्री कायम गरि सार्वजनिक स्थलमा चारजना भन्दा बढी जम्मा हुन नपाइने पनि जनाइएको छ ।