बारा, ११ असार । फेटा गाउपालिका वडा नम्बर ४ मा भइरहेको सडक ढलानको बिषयमा गाउपालिकाले छानबिन गर्ने भएको छ । सडक ढलानमा वडा अध्यक्ष वकिल यादवले अनियमित्ता गरेको स्थानीयले आरोप लगाएपछि गाउपालिकाले अनुगमन गर्नको निम्ति टोली परिचालन गरेको हो ।
फेटा गाउपालिकाका अध्यक्ष अमिरीलाल प्रसादले गाउपालिकामा पर्ने ७ वटै वडाहरुमा सडक ढलान, नाला लगायतको निर्माण कार्य भइरहेको बताउनु भयो । उहाले ७ वटै वडाहरुमा इन्जिनियरको टोली परिचालन गरेको बताउनु भयो । सडक ढलान, नाला निर्माण लगायतको कार्यमा कुनै किसिमको लापरवाही गरेको भेटिए भुक्तानी नगर्ने गाउपालिका अध्यक्ष अमिरीलाल प्रसादले बताउनु भयो । उहाले आफ्नो क्षत्रेमा पर्ने सबै जसो वडाहरुमा सडक निर्माणको कार्य भइरहेको हुदा समयको अभावले आफै नखटी इन्जिनियर लगायतको टोलीलाई परिचालन गरिएको बताउनु भयो । उहाले वडा नम्बर ४ मा अनुगन गर्ने र ३ इन्चको ढलान फेला परे भुक्तानी रोक्ने बताउनु भयो ।

फेटा गाउपालिका वडा नम्बर ४ फुलवरीया टोलमा भइरहेको सडक ढलानमा आफ्नै घरको सदस्यलाई उपभोक्ता समितिका अध्यक्ष बनाई रकम हिनामिना गर्नको निम्ति ६ इन्चको ठाउमा मात्र ३ ईन्च ढलान गरिरहेको स्थानीयले आरोप लगाएका छन् । वडा अध्यक्ष वकिल यादवले गाउपालिकाबाट आएको बजेटलाई दुरुयोग गर्दै आफ्नो मनोमानी तरिकाले सडक ढलान गराइरहेको स्थानीयले आरोप लगाए । स्थानीयहरुले आफ्नो गाउ ठाउको विकास हुन जरुरी छ तर विकासको नाममा आएको बजेटले राम्ररी विकासको कार्य हुन नसकेको स्थानीयले आरोप लगाए ।
यस बिषयमा समाचार संकलन गर्न जादा पत्रकारको टिमदेखे पछि त्याहाँबाट वडा अध्यक्ष वकिल यादव हिडेका थिए । उनले वडा नम्बर ४ मा भइरहेको सडक ढलानमा आफै बसी मात्र ३ इन्चको ढलान गराइरहेकै बेला पत्रकारको टिम घटना स्थलमा पुगेका थिए । पत्रकारले प्रश्न गर्न खोज्दा नबोल्ने भन्दै उनी हिँडेका थिए ।

यता फेटा गाउपालिकाबाट विकासको निम्ति बिनियोजन गरिएको रकम स्थानीय सरकारकै सहयोगमा अनियमित्ता भएको पाइएको छ । सडक ढलान गर्नको निम्ति इट्टा, बोल्डर, गिटी, बालुवा लगायत सीमेन्टको प्रयोग हुने गरेपनि बोल्डर माथि नै ढलान गर्न लागिएको देखिएको उपभोक्ताहरुको गुनासो छ । यस आर्थिक बर्षको रकम सिध्याउनको निम्ति आफ्नो मनोमानी पाराले वडा अध्यक्षले गरिरहेको स्थानीयले आरोप लगाए ।