नेपालीसँग बिवाह गर्ने बिदेशी महिलालाई ७ बर्षपछि मात्र नागरिकता दिने व्यवस्थाको विरोधमा नवलपरासी र पर्सामा प्रदर्शन

नेपालीसँग बिवाह गर्ने बिदेशी महिलालाई ७ बर्षपछि मात्र नागरिकता दिने व्यवस्थाको विरोधमा नवलपरासी र पर्सामा प्रदर्शन

  • सोमवार, असार ८, २०७७
  • रबिन्द्र यादव/राहुल गुप्ता

  • 10.6K
    SHARES

८ असार, नवलपारासी । नेपालीसँग बिवाह गर्ने बिदेशी महिलालाई ७ बर्षपछि मात्र नागरिकता दिने व्यवस्थाप्रति असन्तुष्टी जनाउदै जनता समाजवादी पार्टी नवलपरासी पश्चिमले विरोध प्रदर्शन गरेको छ ।
राज्य व्यवस्था तथा सुशासन समितिले बहुमतले पास गरेको उक्त व्यवस्था मधेशी जनताको हकमा नरहेको भन्दै उक्त व्यवस्था हटाउन माग गर्दै पार्टीले जिल्लामा विरोध प्रदर्श गरिएको हो ।

नेपाली पुरुषसंग विवाह गर्ने विदेशी महिलाले ७ बर्षपछि मात्र अंगीकृत नागरिकता पाउने व्यवस्थालाई नेकपाको सचिवलय समितिले समेत समर्थन निर्णय गरिसकेको र राज्य व्यवस्था तथा शुसासन समितिबाट उक्त नागरिकता विधेयक बहमुतले पास समेत भैसकेको अवस्था छ । जसपा नवलपरासी पश्चिमले सोको विरुद्धमा विरोध प्रदर्शन गर्दै उक्त निर्णयलाई तत्काल सच्चाई पुरानै व्यवस्था कायम गर्न जोडदार माग गरेको छ ।

पार्टीका जिल्ला नेता मुकुरजी गिरीको नेतृत्वमा लोकतान्त्रिक चोकदेखि निक्लेको विरोध र्याली बुद्धचोक हुदै जिल्ला प्रशासन कार्यालय पुगेर पुनः बुद्धचोक स्थित कोणसभामा परिणत भएको थियो । ¥यालीमा विभिन्न नारासहित प्लेकार्ड बोकी सरकार तथा नेकपा विरुद्ध नाराबाजी गर्दै विरोध प्रदर्शन गरिएको थियोे । युवाहरुले भारत तथा तेस्रो मुलुकबाट विवाह गरेर ल्याउने श्रीमतीलाई ७ वर्षपछि मात्रै अंगीकृत नागरिकता दिने प्रावधान हटाउई तत्काल नागरिकता दिने व्यवस्था लागु गर्न माग गर्दै विरोध प्रदर्शन गरिएको जिल्लाका युवा नेता नगेन्द्र अग्रहरीले बताए ।

सामाजिक साँस्कृतिक रीतिअनुसार विवाह गरेर ल्याइएकी महिलामाथि अन्याय गर्न लागिएको उनको भनाँइ छ । ‘महिलामाथि विभेद र अत्याचार गर्न पाइँदैन’, ‘रोटी बेटीको सम्बन्ध बिगार्न पाइँदैन’, ‘नागरिकता ऐन संसोधन विद्येयक फिर्ता गर’ महिलामाथि अत्यचार बन्द गर लगायतका नारा लेखिएको प्लेकार्डसहित पार्टीका नेता कार्यकर्ताहरु प्रदर्शनमा उत्रिएका हुन् । कोणसभामा जसपाका केन्द्रिय नेता तथा पुर्व सांसद गोविन्द चौधरी, पुर्व सांसद चिनक कुर्मी, जिल्ला नेता धरेन्द्र यादव, पुरन चौधरी, मुन्ना गुप्ता, सत्रजित यादव, अमिरुल्लाह मिँया, चन्द्रभुषण पाठक, युवा नेता नगेन्द्र अग्रहरी सुनिता काफ्ले लगायतले मन्तब्य राखेका थिए

उता, नेपाली पुरुषसँग विवाह गर्ने विदेशी महिलालाई सात वर्षपछि मात्र अंगीकृत नागरिकता दिने नेकपाको निर्णयको विरोधमा वीरगन्जमा नेपाली काङ्ग्रेस आबद्ध ने.बि संघले विरोध प्रदर्शन गरेकाे छ।

बिभेदकारी,असक्षम र दमनकारी सरकारले बिभेदकारी नागरिकता विधेक ल्याएर सम्पुर्ण मधेसी जनता माथी पुनः वार गरेको छ।यस्को विरुद्धमा देशब्यापी रुपमा हरेक नागरिक , राजनीतिक दल र संघ-संस्थाले बिरोध गरेकोले आज ने.बि.संघ जिल्ला कार्य समिति पर्साले घन्टाघर नजिक बिहान १० बजे बिभेदकारी नागरिकता बिधेक फिर्ता गर्न दबाब स्वरुप बिरोध प्रदर्सन गरेका छन्।

ने.बि.संघ पर्साको कार्यवाहक सभापति बिकेश पटेलको नेतृत्वमा भएको बिरोध प्रदर्सनमा उपाध्यक्ष सन्जिव मिश्रा , सह-सचिव दिपक पटेल ,पर्सागढि नगर सभापति मन्जिव मिश्रा , जिल्ला सदस्य बिट्टु अहेमद , रन्जन राम ,सन्जिव राम ,प्रवना पटेल लगायत विभिन्न विद्यार्थी नेताहरुको उपस्तिथि रहेको थियो ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ