असार १ काठमाण्डौं । पश्चिम रूकुमको चौरजहारीमा जेष्ठ १० गते ६ जनाको ज्यान सामुहिक हत्यामा मुछिएकी नवराज बि.क.की प्रेमिका भनिएकी सुष्मा मल्ललाई पुर्पक्षका लागि सुधार गृहमा पठाउन अदालतले आदेश दिएको छ । उनीसगँै अर्का उक नाबालकलाई पनि सुधार गृहमै पठाईएको छ ।
रुकुम पश्चिमको चौरजहारी नगरपालिका–८ सोती भन्ने स्थानमा गत जेठ १० गते जाजरकोटको भेरी नगरपालिका–४ बस्ने नवराज विकसहित ६ जनाको हत्या गरेको भन्दै आइतबार ३४ जना विरूद्ध मुद्दा दायर भएको थियो ।
अदालतका न्यायाधीश विद्याराज पौडेलको इजलासले घटनामा मुछिएका प्रेमिका र अर्का नाबालकलाई नेपालगञ्जस्थित सुधार गृहमा पठाउन आदेश दिएको हो ।
दुवैको थुनछेक बयान र बहस आज भएको थियो । भोलिदेखि अरू अभियुक्तको बयान सुरू हुनेछ । क्रुरतापूर्वक हत्या गरेकोमा कानुन अनुसार बाँचुन्जेल कैद सजाय माग गरिएको छ । ३४ अभियुक्तमध्ये २९ जनालाई प्रहरीले पक्राउ गरिसकेको छ भने ५ जना फरार छन् ।