जेष्ठ ३२ काठमाण्डौं । देशभर पछिल्लो २४ घण्टामा थप ४२५ जनामा कोरोना संक्रमण भएको छ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार ३७५ पुरुष र ५० जना महिला रहेका छन्।
यो सँगै जम्मा संक्रमितको संख्या ५ हजार ७ सय ६० पुगेको छ। रुकुम पूर्वमा पनि कोरोना संक्रमित भेटिएपछि संक्रमण ७३ जिल्लामा पुगेको छ।
थपिएका नयाँ संक्रमितहरुमध्ये मोरङमा २५, सुनसरीमा १, झापामा १, सप्तरीमा १०, पर्सामा १७, बारामा ९, सर्लाहीमा ६ जना, रौतहटमा २५, नवलपरासी पूर्वमा २, बझाङमा ५, डडेलधुरामा २४, डोटीमा ३, कैलालीमा १२ जना, कञ्चनपुरमा २०, बर्दिया र बाँकेमा ३/३, रुकुम पश्चिममा २, प्युठानमा २, दाङमा ५४ जना छन् ।
त्यसैगरी धनुषाका १ जना, रामेछापका २ जना, गुल्मीका ८ जना, नवलापरासी पश्चिमका २ जना, रुपन्देहीका २६ जना, पाल्पाका १७ जना, सुर्खेतका ४० जना, दैलेखका २९ जना, सिन्धुलीका १ जना, धादिङका २५ जना, रौटहटका ५१ जना रहेका छन् । हालसम्मको संक्रमित जिल्ला ७३ रहेको छ ।
हालसम्म डिस्चार्ज हुनेको संख्या ९ सय ७४ पुगेको छ। कोरोनाबाट नेपालमा हाल सम्म १९ जनाको मृत्यु भईसकेको छ ।