जेष्ठ ३२ दैलेख । कर्णाली प्रदेशकै सबै भन्दा धेरै कोरोना संक्रमित भएको जिल्लामा सरकारले नियन्त्रण प्रभावकारी बनाउन नसकेको, आन्दोलनरत संक्रमितमाथि दमन गरेको भन्दै नेकपाले बिरोध जनाएको छ ।
विप्लव नेतृत्वको नेकपा दैलेखका ईन्चार्ज दिपेन्द्रले आज एक विज्ञप्ति जारी गरी दैलेख जिल्लामा कोरोना भाईरस डढेलो झै फैलिरहेको भन्दै नागरिकहरु रोग र भोकले मरिने त्रासमा रहेको र केपि नेतृत्वको सामाजिक दलाल सरकार कोरोना नियन्त्रण गर्न पुर्ण रुपमा असफल भएको भन्दै जिल्लामा भएको हिशाब सार्वजनिक गर्न समेत माग गरेका छन् ।
“क्यारेन्टानमा वस्नेहरुले खाना,सुताई ,पानी र शौचालयको राम्रो ब्यवस्थापन नभएको भनेर सरकार बिरुद् आन्दोलन गरिरहेका छन्।नारायण नगरपालिकाको आईसोलेशनमा वसेका सँक्रमितहरुले महिना दिन पुग्दा पनि पिसिआर रिपोर्ट नआएकाले असन्तुष्टिको रुपमा आन्दोलन गरेका छन्। सँक्रमितमाथि प्रहरीले लाठी चार्ज गर्दा ४जना सक्रमित युबाहरु घाईते भएको समचार आएको छ।सँक्रमित युवाहरुको कुरा सुनेर समस्या समाधान गर्नुको सट्टा घाईते हुने गरी दमन गर्नुले राज्यको फासीवादी चरित्र पुस्टि भएको छ।” विज्ञप्तिमा भनिएको छ ।
दैलेखमा आरडिटि चेक गरेका मानिसहरुलाई घर पठाईसकेपछि कोरोना समुदाय स्तरमा पुगेको र जिल्लामा कोरोनाले भयावह रुप लिने संकेत देखिएको भन्दै ईन्चार्ज दिपेन्द्रले कोरोना नियन्त्रणमा केन्द्र,प्रदेश र स्थानिय सरकारलाई गम्विर हुन र जनताको स्वास्थ्यमा खेलबाड नगर्न हाम्रो पार्टी सरकारलाई ध्यानआकर्षण गराएका छन् ।
साथै उनले कोरोना संक्रमितको जीवन विमा गर्न र मृतकको परिवारलाई राहत दिन माग गरेका छन् ।
दैलेखमा आज सम्म ५०२ जना सक्रमित भएका छन्। ३०जना कोरोनालाई जितेर डिस्चार्ज भएर घर फर्किसकेका छन्।एक जनाको मृत्यु भईसकेको छ।
