जेष्ठ ३२ गुल्मी । नेपालमा कोरोना संक्रमितको मृत्यु हुने क्रम बढेको छ । रेसुंगा नगरपालिकाको आइसोलेसनमा उपचार गराइरहेका धुर्कोट गाउँपालिकाका ३६ वर्षीय पुरुषको गएराति मृत्यु भएको छ । रेसुंगा नगरपालिकाका स्वास्थ्य संयोजक बोम अर्यालका अनुसार ती युवाको गएराति १० बजे ज्यान गएको हो ।
उनी २ वर्षदेखि क्यान्सर रोगले पीडित थिए। केही दिनदेखि उनको स्वास्थ्य अबस्था गम्भीर थियो । उनी आइसोलेशनको बेडमा जान र झर्न नसक्ने भएपछि उनको भुँइमै राखेर उपचार गरिएको थियो। उनको शवलाई आजै व्यवस्थापन गर्ने तयारी भएको स्वास्थ्य संयोजक अर्यालले जानकारी दिए ।
यस अगाडि कोरोना संक्रमणकै कारण मदाने गाउँपालिका वडा नं। ६ का ४१ वर्षीय शिक्षकको रुपन्देहीको क्रिमशन अस्पतालमा ज्यान गएको थियो।
यो सगँै नेपालमा कोरोना संक्रमणबाट मृत्यु हुनेको संख्या १९ पुगेको छ । यद्यपि, स्वास्थ्य मन्त्रालयले घोषणा गर्न बाँकी रहेको छ ।