सरकार विरुद्ध प्रदर्शनमा झडप, नेविसंघका ६ जना नेता पक्राउ

सरकार विरुद्ध प्रदर्शनमा झडप, नेविसंघका ६ जना नेता पक्राउ

  • शनिबार, जेष्ठ ३१, २०७७
  • दिपक चौरसिया

  • 15.1K
    SHARES

पर्सा ३१ जेठ । नेपाल विद्यार्थी संघ (नेविसंघ)ले विभिन्न माग राखी सरकार विरुद्ध प्रदर्शन गरेको छ । बिरोध प्रदर्शनमा प्रहरीले हस्तक्षेप गरेको छ । घरभाडा, विजुली महसुल, बैंक ब्याज, स्कुल फी मिनाहा गर्न माग गर्दै संघीय सरकारविरुद्ध प्रदर्शनमा उत्रिएका नेविसंघका विद्यार्थीहरुलाई रोक्न खोज्दा प्रहरी र विद्यार्थीबीच झडप भएको छ ।

सामाजिक दूरी कायम गर्नुपर्ने सरकारले भनिरहेको बेला वीरगंजमा विभिन्न मागसहित विरोध प्रदर्शनलाई रोक्न खोज्दा प्रहरी र विद्यार्थीबीच झडप भएको छ । झडपको क्रममा प्रहरीले लाठी चार्ज समेत गरेको छ, जहाँ ६ जना विद्यार्थी नेतालाई प्रहरीले नियन्त्रणमा लिएको छ । प्रहरीले घण्टाघरबाट विकास तिवारी, ठाकुरराम इकाइ सभापती मनोज साह, जिल्ला उपाध्यक्ष शेष, सहसचिव रमेश यादव, पुर्व प्रदेश सदस्य अभय कर्ण, श्याम गुप्तालाई पक्राउ गरेको हो ।

घरभाडा, विजुली महसुल, बैंक ब्याज, स्कुल फी मिनाहा गर्न माग गर्दै आन्दोलनमा उत्रिएका नेविसंघका विद्यार्थीहरुमाथि प्रहरीले हस्तक्षेप गरेपछि विवाद उत्पन्न भई विद्यार्थी नेता र प्रहरीबीच झडप भएको थियो । कोरोना भाइरस महामारी नियन्त्रणमा सरकारले प्रभावकारी काम गर्न नसकेको भन्दै उनीहरुले तीनै तहको सरकारको विरोधमा प्रदर्शन गरेका थिए । वीरगंजको महाबिर स्थान चोकबाट सुरू भएको प्रदर्शन घण्टाघर चोकमा आएर टुंगिएको थियो ।

प्रदर्शनकारीले प्रधानमन्त्री केपी शर्मा ओली र प्रदेश २ का मुख्यमन्त्री लालबाबु राउत गद्दीको पुतला दहन समेत गरे । क्वारेन्टिनमा राख्ने कि छोड्ने भन्नेमा छलफल भईरहेको जिल्ला प्रहरी कार्यालय पर्साका प्रवक्ता डिएसपी मनोजित कुँवरले जानकारी दिए । ‘महामारीको समय छ, भिडभाड गर्नुहुन्न भन्ने हो । अझ विद्यार्थी जस्तो सचेत वर्गले त्यसो गर्नु नै हुन्न ।’ डिएसपी कुँवरले भने ‘भिडभाड गर्दै भएको प्रदर्शन शंकास्पद देखियो, त्यसैले उनीहरुलाई क्वारेन्टाईनमा बस्नुपर्छ भनेका हौं ।’

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ