कन्चनपुर,३१ जेठ । कञ्चनपुरको शुक्लफाँटा नगरपालिका ११ कलुवापुर स्थित सरस्वती माविको क्वारेन्टाईनबाट एक युवक भागेका छन् । भारतबाट फर्किएका सोही वडाका स्थानीय युवक महेश विष्ट भागेका हुन् ।
उनी गयराती क्वारेन्टाईनबाट भागेपछि जनप्रतिनिधी हैरान भएका छन् । भने वडाबासी चिन्तित भएका छन् । उक्त क्वारेन्टाईनमा बसेका दुई जनामा कोरोना पुष्टी भएका थिए ।
शुक्लाफाँटा नगरपालिका ११ का वडाध्यक्ष दिल बहादुर बुढाले भागेका युवक दोस्रोदिन जंगल क्षेत्रमा फेला परेको बताए । भाग्ने कारण भने वडाध्यक्ष बुढाले खुलाएनन् । क्वारेन्टाईनमा अभाव वा युवक उछृङगल भएर हो, भन्ने विषयमा एकिन भएको छैन् । ‘मैले सबैलाई क्वारेन्टाईनमै सम्झाएर आएको थिए, ‘वडाध्यक्ष बुढाले भने, ‘सम्झाएर आएको केही घण्टामै उनी भागेका रहेछन् ।’
जस्तोसुकै समस्या दुख भएपनि भाग्ने काम पूर्ण गलत भएकाले समाज बिरोधी काम भएको टिप्पणी गरिएको छ । क्वारेन्टाईनमा जोखिमका घर भएपनि त्यहाँ बस्नेहरु सजक नभए समुदायमा झन जोखिम पर्ने देखिन्छ । शुक्लाफाँटा नगरपालिका ११ मा राहत वितरणदेखि अनौठा अनौठा घटना भईरहेका छन् । कन्यदान स्टाईलमा राहत वितरणदेखि राहत नपाएको झोकमा विषाधी पर्दाथ सेवन लगायत विचित्रका घटना भईरहेको बुझिन्छ ।