जेष्ठ २९ चन्द्रगढी । कोरोना महामारी र लकडाउन पछि गरीब जनतालाई गाँस धान्नै गाह्रो परीरहेका बेला झापामा लघुवित्त र सहकारीहरुले रिण र किस्ता तिर्न दबाब दिईरहेको पाईएको छ ।
जिल्लाका विभिन्न स्थानका गरीब किशानहरुले लिएका रिणको किस्ता र ब्याज माग्दै दबाब आईरहेको पीडितहरुको गुनासो छ ।
यसैबीच ,नेत्र विक्रम चन्द विप्लव नेतृत्वको नेपाल कम्युनिस्ट पार्टी झापाले सहकारी तथा लघुवित्तिय संस्थाहरुले महामारीको घडिमा समेत ऋणको किस्ता तिर्न उर्दी जारी गरेको भन्दै तत्काल ऋणको किस्ता नउठाउन चेतावनी दिएको छ।
नेकपाले कोरोना भाइरसका कारण भन्दा बढी भोकमारी र गरिबीका कारण आत्महत्या गर्ने गरिब,मजदुर,सुकुम्बासी लगायतका बासिन्दाहरुको संख्या ११०० भन्दा बढि रहेको भन्दै मानविय संवेदनशीलतालाई ध्यान दिन र तत्काल किस्ता तिर्नको लागि कसैलाई पनि मानसिक दबाब नदिन अपील गरेको छ ।
जिल्ला सेक्रेटरी श्रीजंगले एक विज्ञप्ति जारी गर्दै आम झापालि जनसमुदायलाई तत्काल किस्ता नतिर्न समेत आग्रह गरेका छन् ।
