जनकपुर जेष्ठ २८ । धनुषाको सबैलास्थित इलाका प्रहरी कार्यालयका हिरासतभित्र एक भुण्डिएको अवस्थामा मृत भेटिए पछि आक्रोसित स्थानीयले प्रहरी कार्यलयमा ढुगामुडा गरेका छन् । उनीहरुले प्रहरीको भ्यानमा समेत ढुगा मुडा गरेका छन् । सडकमा समेत नाराबाजी गरेका छन् । भीड तितरवितर पार्न प्रहरीले अश्रुग्यास प्रहार गरेको जनाईएको छ ।
हिरासतको शौचालयभित्र झुन्डिएको अवस्थामा सबैला नगरपालिका–१२, बरकुर्बाका २३ वर्षीय शम्भु सदा मृत भेटिएका हुन् ।
उनी झुन्डेर आत्महत्या गरेको अवस्थामा बुधबार बिहान २ बजे फेला परेको धनुषाका प्रहरी नायब उपरीक्षक रमेश्वर कार्कीले जानकारी दिए। मृतक ट्याक्टर चालक थिए। सवारी दुर्घटना मुद्दामा यही जेठ १२ गते उनलाई पक्राउ गरी हिरासतमा राखिएको थियो।
सदाले किन आत्महत्या गरे भन्ने विषयमा अहिलेसम्म केही कारण खुल्न सकेको छैन। शव पोस्टमार्टमका लागि प्रादेशिक अस्पताल जनकपुरमा लगिएको प्रहरीले जनाएको छ।