बारा, २१ जेष्ठ । भारतबाट नेपाल भित्रयाउदै गरेको लागू औषध सहित एक जना नेपाली नागरिकलाइ सशस्त्र प्रहरी बल नेपालले नियन्त्रणमा लिएको छ । बाराको बिश्रामपुर गाउपालिका वडा नम्बर ३ स्थित खुदिया टोला नजिकै रहेको दशगजा इलाकाबाट लागू औषध सहित नेपाली नागरिकलाइ नियन्त्रणमा लिएको सशस्त्र प्रहरी बल नेपालले जनाएको हो ।
बारा जिल्लाको विश्रामपुर गाउपालिका वडा नम्बर ३ मुसहर्वा बस्ने बर्ष १८ को धन्नजय यादबले लागू औषध ओसार पोसार गरिरहेको विशेष सूचनाको अधारमा खटिएको सशस्त्र प्रहरीले नियन्त्रणमा लिन सफल भएको सशस्त्र प्रहरी उपरीक्षक दिग बिजय सुवेदीले जानकारी दिनुभयो ।
उहाले बोर्डर आउट पोस्ट बरैनियाबाट सशस्त्र प्रहरी निरीक्षक नारायण सिंह ऐरीको कमान्डमा खटिएको टोलिले लागू औषध सहित एक जनालाइ नियन्त्रणमा लिन सफल भएको बताउनु भयो । आज बिहान करीब ६ बजेको समयमा लागू औषध नाईट्रोजेपान ६०० गोटा र WIN CIREX १४७ बोटलसहित जिल्ला बारा विश्रामपुर गाउपालिका ३ मुसहर्वा बस्ने बर्ष १८ को धन्नजय यादबलाई नियन्त्रणमा लिई आवश्यक कारबाहीको नेपाल प्रहरीको जिम्म लगाइएको सशस्त्र प्रहरी बल नेपाल १२ नम्बर गणका प्रमुख सशस्त्र प्रहरी उपरीक्षक दिग बिजय सुवेदिले बताए ।