कञ्चनपुर, १९ जेठ । कञ्चनपुरका एक बालकमा कोरोना पृष्टी भएको छ । भारतको राजधानी दिल्ली गुडगाउँबाट फर्किएका ११ महिने दुदे बालकमा कोरोना पोजेटिभ देखिएको छ ।
दुई महिना पछि कञ्चनपुर बेदकोट नगरपालिका १० का ४१ बर्षिया पुरुषमा कोरोना संक्रममित पृष्टी भएको थियो ।
शुक्लाफाँटा नगरपालिका ११ कलुवापुरका ति बालक अभिभावकसंगै ६ दिन अघि गड्डाचौकी नाकाबाट घर फर्किएका थिए । १४ बैशाखमा एक हजार ५ सय ८६ नेपाली भित्रिएका थिए । शुक्लाफाँटा नगरपालिका प्रवक्ता जगत बहादुर सिहले क्वारेन्टाईनमा बसेका व्यक्तिको पिसिआर विधिबाट कोरोना परीक्षणका लागि स्वाब नमुना संकलन गरिएको बताए ।
प्रवक्ता सिहका अनुुसार संकलन गरिएको नमुना सेती अस्पतालमा परीक्षण गरिएको थियो । कुल १२ वडा रहेको शुक्लाफाँटा नगरपालिकामा ११ नम्बर वडामा देखिएपछि वडाध्यक्ष दिल बहादुर बुढाले समेत सचेत रहन वडाबासीलाई आग्रह गरेका छन् । बालक बसेको क्वारेन्टाईनमा भारतबाट फर्किएका १३० जना बस्दै आएका छन् ।