जेष्ठ १९ स्ुर्खेत । शुरुमा अन्य प्रदेश भन्दा सुरक्षित देखिए पनि अहिले कर्णाली प्रदेशमा कोरोना संक्रमण निकै बढ्न थालेको छ । आज मात्रै जुम्ला, दैलेख, सुर्खेत, सल्यान सहितका जिल्लामा गरी ७५ जनामा कोरोना संक्रमण पुष्टी भएको छ । त्यस मध्य २ जना जुम्लामा कार्यरत प्रहरी रहेका छन् ।
कर्णाली स्वास्थ्य विज्ञान प्रतिष्ठान जुम्लामा पीसीआर परीक्षण गरिएका ४३ र प्रदेश अस्पताल सुर्खेतमा ३२ गरी ७५ जना नयाँ कोरोना संक्रमित थपिएका हुन् । यो सँगै कर्णाली प्रदेशमा कोरोना संक्रमितको संख्या एकसय ९८ पुगेको छ ।
स्वास्थ्य विज्ञान प्रतिष्ठानले सार्वजनिक गरेको पछिल्लो पीसीआर रिपोर्ट तथ्यांक अनुसार १९ जना जुम्ला र २४ जना दैलेखका हुन् । जसमा जुम्ला हिमा गाउँपालिका- १, ५, ६, ७ का ३६, ६३, २३, २६, २३, ४३, ४६ र ५९ वर्षीय पुरुष, जुम्ला सिंजा गाउँपालिका -३, ४, ५, ६ का २४, २३, २३, २१, २६, १६, ४५, ११, १२, ३४ र २७ वर्षीय पुरुष रहेका छन् ।
दैलेख दुल्लु नगरपालिकाकी २३ र ३० वर्षीया महिलासहित दैलेखका विभिन्न स्थानीय तहका २४ जनामा कोरोना संक्रमण पृष्टी भएको हो । यस्तै सुर्खेतमा परीक्षण गरिएकामध्ये दैलेख १७, सुर्खेतका ५ र सल्यानका १० जनामा कोरोना पृष्टी भएको सामाजिक विकास मन्त्रालयले जनाएको छ ।
कर्णालीमा कुल कोरोना पृष्टि भएका एक सय ९८ जनामध्ये दैलेखका ८९, सुर्खेत ३४, सल्यान ३५, जुम्ला १९ ९दुई प्रहरी संक्रमितसहित०, कालिकोटका १८ र मुगुका एक जना रहेका छन् ।