नवलपरासी पश्चिम जेठ १७ । नवलपरासी पश्चिमको प्रतापपुर गाउपालिका – ३ कुटिटोला बस्ने सुदामा धोबिको घरमा गएराति आगलागी भएको छ ।
एकैठाउमा घरगोठसमेत रहेकोेमा राति आगो सल्केर आगलागी भएको ईलाका प्रहरी कार्यालय सेमरीका सई फौजदार यादवले जानकारी दिए।
आगलागीबाट अन्नपात, लत्ताकपडा, घर लगायतका सम्पुर्ण सामान पूर्ण रुपमा जलेर नष्ट भएको छ । त्यस्तै गोठमा रहेका पाडा पाडी भैंसी चौपाया समेत जलेका छन् । आगलागीकाट ६ लाख ३२हजार बराबरको क्षति भएको सइ यादवले बताए ।
राति लामखुट्टे धपाउनको लागि गुइठा खर झारपात बालेको आगो सल्केर आगलागी भएको बुझिएको हो । गएराति करिब १ बजेको समयमा आगो लागेपछि घरका परिवारहरुले छिमेकी लाई गुहारेपछि छिमेकी र स्थानीयले राति नै आगोलाई पानीबाट निभाई नियन्त्रणमा लिएका थिए ।

उता जिल्लाको सिमासँग जोडिएकोे सुस्ता, प्रतापपुर, सरावल र पाल्हिनन्दन गाउपालिकामा दमकल नहुँदा बर्सेनी आगलागीबाट धनजनको ठुलो क्षति हुँदै आईरहेको छ । आगो लागेपछि समयमै दमकल पुग्न नसकेपछि यस्ता घटना दिनानु दिन बढदै गईरहेको स्थानीयले बताएका छन । बर्सेनि चैत, बैशाख र जेठ महिनामा जिल्लाको धेरै जसो सथानमा आगोलागीको घटना बढ्दै गइरहेको देखिन्छ ।