भक्तपुर, १२ जेठ । भक्तपुरमा किशोरीमाथि सामुहिक बलात्कार भएको छ । घटनामा संलग्न भएको आरोपमा प्रहरी एक जनालाई पक्राउ गरेको छ । भने अन्य चार जना फरार भएका छन् ।
यहि जेठ ८ गते भक्तपुर जिल्लाको मध्यपुर थिमि नगरपालिका वडा नं.६ पुरानो थिमि बस्ने २२ वर्षको रोहित गिरीले २० वर्षकी किशोरीलाई बलात्कार गरेको आरोपमा पक्राउ गरिएको हो । किशोरीलाई आर्थिक प्रलोभनमा पारी आफ्नो कोठामा ल्याएर रोहितले जबरजस्ती बलात्कार गरेको प्रहरीले जानकारी दिएको छ ।
त्यसपछि किशोरी कोठाबाट भाग्न खोज्दा नदिएर साथीहरुलाई समेत बोलाएको र रातभरी आफुमाथि बलात्कार भएको पीडित युवतीले प्रहरी समक्ष बताएकी छिन् ।
गिरीले अन्य ४ जना साथीलाई समेत आफ्नो कोठामा बोलाई सबैले पालैपालो रातभरी करणी गरी भागेको महानगरीय प्रहरी परिसर भक्तपुरका सूचना अधिकारी डीएसपी दिपक गिरीले बताएका छन् ।
किशोरीले ९ गते महानगरीय प्रहरी वृत्त थिमिमा उजुरी दिएकी थिईन् । उजुरी परेलगत्तै प्रहरीले हुलिया र विवरणका आधारमा निजहरु भाग्न उम्किन सक्ने सम्पूर्ण स्थानहरुमा खोजतलास गरेको थियो ।
सो क्रममा काभ्रेपलाञ्चोक तेमाल गाउँपालिका स्थायी घर भई मध्यपुरथिमि नगरपालिका वडा नं. ६ पुरानो थिमी बस्ने बर्ष २९ को कवाङ लामालाई प्रहरीले पक्राउ गरेको हो । लामा पुरानो थिमीमा लुकीछिपी बसेको अवस्थामा ९ गते पक्राउ गरी ११ गते भक्तपुर जिल्ला अदालतबाट दिन १० को म्याद थप गरि थप अनुसन्धान भइरहेको परिसरका सूचना अधिकारी डीएसपी गिरीले बताए । फरार रहेका रोहित गिरी लगायतको खोजी कार्य भइरहेको समेत प्रहरीले जानकारी दिएको छ ।