कञ्चनपुर जेठ, १० । भीमदत्त नगरपालिका वडा न।६ ऎठपुर स्थित रहेको महाकाली सिचाइको मुल नहरमा डुबेर बेपत्ता भएका युवकको लास ५ घण्टा पछी फेला परेको छ। सनिवार बिहान १० बजेको समयमा नहरमा नुहाउने करममा युवक नहरमा बेपत्ता भएका थिए।
उनको खोजिकार्यमा बिवद व्यवस्थापनको नेपाल प्रहरी ,सशस्त्र प्रहरी र स्थानीय क्लब कञ्चन समाजका अध्यक्ष धर्मराज जोशीको नेतृत्वको टोलि लगायत स्थानीय युवाहरुले भीमदत्त नगरपालिका वडा नम्बर ३ भाषि ब्रमदेव हाइवईको पुल नजिकको मुल नहरमा युवकको लास फेला पारेको वडा नम्बर ६ का वडा अध्यक्ष हरक सिंह धामिले जानकारी दिएका छन् ।
उनका अनुसार घट्ना स्थलबाट १.५ किलोमीटरको दुरिमा बगिरहेको अवस्थामा फेला पारेको र उनी भीमदत्त नगरपालिका वडा न।६ प्रगती टोलका अंक बहादुर धामिका छोरा वर्ष २७ का अशोक धामी हुन । साथै उनी बिबाहित हुन् र उनको १ वर्षको छोरा समेत रहेको बताए । नहरको डिलमा उनले फुकालेको कपडा र चप्पल त्यही रहेको र युवक नहरमा बेपत्ता भएको खबर थाहा पाए पछि उनको निरन्तर खोजिकार्यको लागि सम्बन्धित निकाय र स्थानीय खटिएका थियो।
जिल्ला प्रहरी कार्यालयको टोलिले मुजुल्का उठाए पछि महाकाली अस्पतालमा पोस्टमार्टमको लागि लास लगिएको र अस्पतालको कार्य छिटो भए आझै दाहसंस्कार गरिने र नभए उक्त कार्य भोलि आइतबार हुने भीमदत्त नगरपालिका वडा न।६ का वडा अध्यक्ष हरक सिंह धामिले जानकारी दिएका छन ।