९ जेष्ठ बुद्धशान्ति । झापा गाउँपालिकाको टागनडुब्बामा सीमा सुरक्षाका लागि खटिएका सशस्त्र प्रहरीलाई बुद्धशान्तिबाट खाद्यन्न, पिउने पानी, माक्स सहित पिपिइ प्रदान गरिएको छ ।
सीमा सुरक्षामा खटिएका सशस्त्र प्रहरीहरुलाई कुनै प्रकारको समस्या नपरोस् भन्ने उद्धेश्यले उक्त सामग्रीहरु प्रदान गरिएको बुद्धशान्तिका युवा समाजसेवी मदन प्रसाईँले बताए । उनका अनुसार बुद्धशान्तिका युवाहरुको पहलमा सीमा रक्षाका लागि खटिएका जवानलाई खाद्यन्न तथा स्वास्थ्य सामग्रीहरुको अभाव नहोस् भन्ने उद्देश्यले उक्त सामग्रीहरु प्रदान गरिएको हो ।
भारतसंगको खुल्ला सीमानाका कारण त्यसतर्फबाट आउनेमानिसहरु साथै सीमामा अलपत्रपरेकाहरुलाई पनि केही राहत मिलोस् भन्ने उद्देश्य आफूँहरुको रहको प्रसाईले जानकारी दिए । आज गरिएको सहयोगमा ३०० पिस सर्जिकल माक्स सहयोग गरेका प्रसाई यसअघि पनि विभिन्न सामाजिक कार्यमा सक्रिय रहेका थिए । उनले आगामी दिनमा पनि समस्यामा परेका देशबासी लगायत सम्पूर्णमा सहयोगका लागि आफूँहरु प्रतिबद्ध रहेको बताएका छन् ।
सशस्त्र प्रहरीलाई हस्तान्तरण गरिएका सामग्रीहरुमा बुद्धशान्ति गाउँपालिकाको तर्फबाट ५० कार्टुन पानी, समाजसेवी लय भण्डारीबाट दश हजार बराबरको खाद्यन्न सामग्री, समाजसेवी अतुल प्रसाईबाट एन ९५ माक्स सहितको १ थान पिपिइ सेट, बुधबारे जेसिज बर्ष २०२० बाट ५ कार्टुन चाउचाउ, समाजसेवी सागरबाबु उप्रेतीबाट ५ कार्टुन बिस्कुट, समाजसेवी मनेष दाहालबाट २ बोरा चिउरा, समाजसेवी संजिल प्रसाईबाट २ बोरो मुरइ, समाजसेवी प्रल्हाद खड्काबाट एक बोरा चिउरा र राष्ट्रिय युवा समाजबाट अध्यक्ष सन्तोष ढकालले १० कार्टुन पानी सहयोग गरेको कुरा बताइएको छ ।