जेष्ठm ७ झापा । देशभर लगातार कोरोना संक्रमित थपिने क्रम रोकिएको छैन । यसै क्रममा अहिले साँझ झापा, सुनसरी र धनकुटामा गरी ७ जना नयाँ संक्रािमत थपिएका छन् ।
प्रदेश प्रयोगशाला बिराटनगरमा गरिएको परीक्षणमा झापाका ५ जना र वीपी कोइराला स्वास्थ्य विज्ञान प्रतिष्ठान धरानमा गरिएको प्रयोगशालमा धनकुटाका एक पुरुष र सुनसरीकी एक जना महिला संक्रमित पुष्टी भएको स्रोतले जनाएको छ । धनकुटाका एक पुरुष र धरानका एक महिलालाई कोरोना पुष्टि भएको हो ।
प्रदेश १ का १४ जिल्ला मध्ये हालसम्म ७ वटा जिल्लाका कोरोना भाइरसको संक्रमण पुष्टि भइसकेको छ । सवैभन्दा धेरै उदयपुरमा ३३ जना, झापामा १७, धनकुटामा ७, मोरङमा ४, सुनसरीमा ३, भोजपुरमा १ र खोटाङमा १ जनामा कोरोना देखिएको हो ।
पछिल्ला दिनमा झापामा र धनकुटामा कोरोना संक्रमितको संख्या बढेको हो । मंगलबारमात्रै झापामा ९ जना र धनकुटामा ५ जनामा कोरोना पुष्टि भएको थियो ।
यो सगँै प्रदेश १ मा संक्रमितको संख्या ६६ पुगेको छ भने २५ जना निको भएर घर फर्किएका छन् ।