आज बिहान कोरोना संक्रमण पुष्टि भएका रौतहटका १० जनामध्ये एक जना बारामा कार्यरत प्रहरी जवान रहेको पाईएको छ ।
स्वास्थ्य तथा जनसंख्या मन्त्रालयले बिहान निकालेर रौतहटका १० जनामा संक्रमण पुष्टि भएको छ । त्यसमध्ये एक जना २८ वर्षिय पुरुष जिल्ला प्रहरी कार्यालय बाराको मुद्दा शाखामा कार्यरत प्रहरी जवान रहेको बाराको प्रमुख जिल्ला अधिकारी रुद्ध प्रसाद पण्डितले बताउनु भयो।
संक्रमित जवानको स्वास्थ्य सामान्य रहेको र उहाँलाई जिल्ला अस्पताल कलैयाको आईसुलेसन कक्षमा राखिएको प्रमुख जिल्ला अधिकारी पण्डितले बताउनुभयो। संक्रमण पुष्टि भएलगतैँ उहाँको सम्पर्कमा आएका ३५ जनाको पहिचान गरि स्वाब संकलन गरिसकिएको प्रहरी उपरिक्षक कृष्ण प्रसाद पंगेनीले बताउनुभयो।
यस अघि काठमाण्डौमा पनि शससत्र प्रहरीमा संक्रमण देखिएको थियो भने महोत्तरीमा नेपाली सेनोका अधिकारी सहितमा संक्रमण देखिएको थियो ।