बैशाख २८ काठमाण्डौं । हाम्रो नेपाल शुसासन अभियानका संयोजक खरेलले भारतीय रक्षा मन्त्रीले लकडाउनको बिषम परिस्थितिमा लिपुलेक हुदै कैलाश मानसरोबर जाने बाटो उद्घाटन गरेको घटनाले नेपाली जनतामा चिन्ता र आक्रोस पैदा भएको भन्दै उच्च स्तरमा प्रत्यक्ष संवाद गर्न र जनतालाई सार्वजनिक गर्न माग गर्नु भएको छ ।
अभियानका प्रमुख तथा पूर्व प्रहरी अधिकारी रमेश खरेलले एक विज्ञप्ति जारी गरी भारतले ६ महिना अघि नै नक्सा जारी गरेर व्यापक विरोध भएको यो घटना अघि आउनुले अझ थप आक्रोसित तुल्याएको उल्लेख गरेका छन् ।
साथै खरेलले नेपालको भूभाग अतिक्रमण र बलजफ्ी गर्ने कार्य रोक्न र देशको अस्मीता जोगाउन माग गरेका छन् ।
यस्तै चीनीया नागरिकले सिंहदरबार अगाडी प्रहरी आक्रमण गरेको घटनाको सन्दर्भमा समेत यथार्थ जानकारी गराउन माग गरेको छ ।
छिमेकी राष्ट्रहरुबाट नेपाल र नेपाली जनता पिडितहुने अवस्थाहरुको अन्त्य हुनु पर्छ र राष्ट्र स्वाभीमान , असंलग्न , संप्रभुता र स्वतन्त्र रुपमा बांच्न र अघि बडने अवस्थाको प्रात्याभुति सरकारद्वारा गराईनु पर्छ भन्ने तर्फ समेत हामी ध्यानाकषंण गराऊन चाहन्छौ । खरेलद्धारा जारी विज्ञप्तिमा भनिएको छ ।