पारीका भुस्याहाहरु भुक्ने गर्छन सीमामाथि पटकपटक
वारीका शेर हौँ भन्नेहरु चुक्ने गर्छन् सीमामाथि पटकपटक

कति रुन्छौ लिपुलेक लिम्पीया छोडीदेउ रुन अब
नुनिला ती आँशुहरु  झर्ने गर्छन सीमामाथि पटकपटक

चुर छन् काँकडा अल्मोडा जलेका छन् पश्चातापमा
पहरा दिने स्वरहरु  सुक्ने गर्छन् सीमामाथि पटकपटक

दाँत कुडाउछ लक्ष्मणपुर छाती छाम्छ कोशी ब्यारेज
सुस्ताका घाउहरु दुख्ने गर्छन् सीमामाथि पटकपटक

मुटु एउटै माटो फरक कसरी भो भन्छे सिक्किम
दार्जेलिङे टुहुराहरु  रुने गर्छन् सीमामाथि पटकपटक

गाँठो कसिस सुगौली तँ नै रहिछस् राष्ट्रघाती
गोर्खाली यी नशाहरु तात्ने गर्छन् सीमामाथि पटकपटक

–बाँसगढी–८,बर्दिया

गद्धारहरुको गीत

कविता-    दुर्गी

सिरानचोक गाउँपालिका पूर्व अध्यक्ष गुरुङलाई सम्मान

कुतः पिकाकबाट तीन स्रष्टा पुरस्कृत

पद्मश्री साहित्य पुरस्कारको संक्षिप्त सूची सार्वजनिक, पाँच कृति अन्तिम छनोटमा

विचौलिया र बुख्याँचाहरू