नेपालगन्ज २६ बैशाख । कोरोनाको हब बनेको नेपालगञ्जमा आजबाट दैनिक ४ घण्टा लकडाउन खुकुलो पारिने भएको छ ।
अत्यावश्य सामान खरिदका लागि भन्दै चार घण्टा लकडाउन खुकुलो पार्ने सर्वपक्षीले बैठकले हिजो निर्णय गरेको थियो ।
दिउसोँ ११ बजेदेखि ३ बजे सम्म किनमेल गर्ने, आवतजावत गर्नेमा केही सहज पार्न खोजिएको छ ।
त्याहाँ यस अघि घोषित निशेषाज्ञा सकिएको छ ।
बाँकेका प्रमुख जिल्ला अधिकारी कुमारबहादुर खड्काले हरेक दिन ११ बजेदेखि तीन बजेसम्म अत्यावश्यक सामान खरिदका र आपुर्तिका लागि निस्कन दिइने जानकारी दिए । यद्यपि, सवारी साधन भने पूर्ण रुपमा निषेध नै रहने उनले बताए ।
नेपालगन्जमा एउटै टोलबाट २३ जनामा कोरानाको संक्रमण पुष्टी भएको छ । उनीहरुको उपचार भेरी अस्पतालमा भईरहेको छ । संक्रमित मध्य ७ बर्ष ९ बर्षका बालक समेत रहेका छन् ।
यस अघि निशेषाज्ञा तोडेर स्थानीय व्यापारीले प्रहरीको गाडी नै तोडफोड समेत गरेका थिए ।