काठमाडौँ बैशाख १२ । वीरगन्ज महानगरपालिका छपकैयाँका थप दुईजनामा कोरोना संक्रमणको आशका भए पछि उनीहरुलाई नारायणी अस्पतालको आईसोलेसनमा भर्ना गरिएको छ ।
छपकैयाँको मस्जिदमा बसेका तीनजना भारतीय संक्रमितको सम्पर्कमा आएकाहरुको स्वाब लिइ पिसिआर परीक्षणका लागि काठमाडौं पठाइएकोमा दुईजनामा पोजिटिभ देखिएको जनाईएको छ ।
दुवैजनालाई नारायणी अस्पतालको आइसोलेसनमा ल्याइएको छ। यीमध्ये एकजना महानगरका सफाइ कर्मचारी हुन्। अर्का व्यक्तिलाई सिद्धार्थ मावीको क्वारेन्टाइनबाट आइसोलेसनमा ल्याइएको पर्साका सहायक प्रमुख जिल्ला अधिकारी ललितकुमार बस्नेतले बताए ।
बीरगन्जमा संक्रमित ३ भारतीय सहित चार जनालाई आजै डिस्चार्ज गर्ने तयारी भएका बेला नयाँ संक्रमित भेटिए पछि स्थानीय त्रसित बनेका छन् ।यो सगँै नेपालमा कोरोना संक्रमितको संख्या ५१ पुगेको छ । जसमा १२ जना निको भएका छन् ।
