धनगढी बैशाख ७ । नेपालमा फेरी अर्का एक युवाले कोरोना विरुद्धको युद्ध जीतेका छन् ।
सेती प्रादेशिक अस्पतालमा उपचाररत कैलालीको लम्कीचुहा नगरपालिका–१ प्रतापपुर घर भएका कोरोना संक्रमित बिरामीलाई डिस्चार्ज गर्ने तयारी भइरहेको छ । उपचारपछि उनको रिपोर्ट नेगेटिभ आएपछि डिस्चार्जको तयारी गरिएको अस्पतालले जनाएको छ । यो सगैँ नेपालमा जम्मा संक्रमित ३१ मध्य ४ जना निको हुन सफल भएका छन् । बाकीँ २७ जनाको भने देशका विभिन्न अस्पतालमा उपचार जारी छ ।
भारतको मुम्बइबाट आएका उनलाई चैत २२ गते कोरोना संक्रमणको पुष्टि भएको थियो । दोस्रो र तेस्रो रिपोर्ट नेगेटिभ आएपछि उनलाई डिस्चार्ज गरिने तयारी भएकाे हाे ।
सेती प्रादेशिक अस्पतालमा पाँच जना संक्रमित बिरामीको उपचार भइरहेकोमा लम्कीचुहाका २१ वर्षीय युवालाई सञ्चो भए पनि अन्य चार जना बाँकी छन् ।
यस अघि तीन जना निको भएर घर फर्किसकेका छन् ।