उदयपुरमा भेटिएका १२ जना कोराना संक्रमितको विराटनगरमा उपचार शुरु, मस्जिदमा सिल

उदयपुरमा भेटिएका १२ जना कोराना संक्रमितको विराटनगरमा उपचार शुरु, मस्जिदमा सिल

  • शनिबार, बैशाख ६, २०७७
  • मिर्मिरे अनलाइन

  • 9.4K
    SHARES

विराटनगर बैशाख ६ । उदयुरमा कोरोना भाइरसको संक्रमण पुष्टि भएका १२ जनालाई बिराटनगरमा उपचार शुरु गरिएको छ । कोशी अञ्चल अस्पतालमा आईसोलेसनमा राखेर उनीहरुको उपचार शुरु भएको अस्पतालले जनाएको छ । संक्रमित मध्य ११ भारतीय र एकजना नेपाली रहेका छन् । उनीहरुलाई कोरोना काठमाण्डौको परीक्षणमा पुष्टी भए लगत्तै राति नै विराटनगर लगिएको थियो ।
प्रदेश १ सरकारले स्थापना गरेको उपचार केन्द्रमा आईसीयू र भेन्टिलेटर सुविधासहितको उपचार व्यवस्था गरिएको छ । उदयपुर त्रियुगा नगरपालिका ३ को भुल्केस्थित मस्जिदमा उनीहरुसँगै बसेका अरु चार जनालाई पनि राति नै विराटनगर ल्याइएको छ ।
कोसी अस्पतालकी मेडिकल सुपरिटेन्डेन्ट डा. संगीता मिश्राका अनुसार संक्रमित १२ जनालाई उक्त अस्पतालको आइसोलेसन वार्डमा राखेर उपचार सुरु गरिएको छ । संक्रमण पुष्टि नभएका अरु चारजनालाई भने मोरङको टाँडीस्थित नेपाली सेनाको क्वारेन्टाइनमा पठाइएको छ । अहिले संक्रमितहरुको अवस्था जटिल नभएकाले सामान्य रुपमै उपचार शुरु भएको छ ।
यसैबीच भुल्के स्थिति मस्जिदलाई सिल गरिएको छ । त्याहाँ ३३ सालदेखि ५० परिवार मुस्लिम समुदाय बस्दै आएका थिए । अहिले संक्रमितहरुको सम्पर्कमा को को थिए ? के के गरेका थिए भनेर खोजी भईरहेको गाईघाटबाट पत्रकार यमन दनुवारले बताएका छन् ।
ती भारतीयहरु भारतबाट सप्तरी हुदै उदयपुर आएर बसेको देखिएको छ । त्यस ठाँउबाट महिलाहरुले तरकारी उत्पादन गरेर बजारमा बिक्री गर्दै आएका थिए ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ