चैत्र २२ धरान । नेकपा निकट अखिल क्रान्तिकारी मेचीकोशी क्षेत्रीय समन्वय समितिले कोरोना भाईरसको संक्रमणको महामारीका कारण विदेशमा पढ्न गएका विद्यार्थीहरु समस्यामा परेको भन्दै उनीहरुको अवस्था बुझेर समस्या समाधान गर्न सरकारसगँ माग गरेको छ ।
संगठनका मेचीकोशी क्षेत्रीय सयोजक पुष्प न्यौपानेले आज एक विज्ञप्ति जारी गरी अष्ट्रेलिया , जापान लगायतका देशमा रहेका विद्यार्थीहरुले दुखः पाउने अवस्था देखिएको भन्दै तत्कालै बुझेर समाधान गर्न माग गरेका छन् ।
अष्ट्रेलिया सरकारले सबै विदेशी विद्यार्थीलाई घर फर्कन भनेको र विद्यार्थीहरु समस्यामा परेको समाचारहरु आउन थाले पछि अखिल क्रान्तिकारीले ध्यानाकर्षण गराएको हो ।
यसै गरी देश समेत महामारीको संकटमा परेका बेला स्वास्थ्य सामाग्री खरीदमा समेत भ्रष्टाचार गर्न तल्लीन रहेको र महामारी देशमा फैलिएको अवस्थामा जनताको सुरक्षा गर्न र महामारी नियन्त्रण गर्न सरकार सक्षम नहुने स्पष्ट भएको भन्दै सबै नेपालीहरु एक भएर समाज र राष्ट्रलाई सुरक्षित गर्नु पर्ने अवस्था देखिएको विज्ञप्तिमा उल्लेख छ ।
विज्ञप्तिमा अखिल क्रान्तिकारीले संगठनका जिल्ला समितिहरुलाई स्थानीय संघ संस्थाहरुसगँ समन्वय गर्दै राहतमा जुट्न अनुरोध गर्दै अखिल क्रान्तिकारीले आस्थाका आधारमा विद्यार्थीमाथि धरपकड नगर्न चेतावनी समेत दिएको छ ।
हेर्नुस् विज्ञप्तिः
