काेराेना त्रासः सुनसान बन्दै ‘नयाँ बसपार्क’, काठमाडाैंका सडकपनि खाली

काेराेना त्रासः सुनसान बन्दै ‘नयाँ बसपार्क’, काठमाडाैंका सडकपनि खाली

  • सोमवार, चैत्र १०, २०७६
  • मिर्मिरे अनलाइन

  • 10.5K
    SHARES

काठमाडौँ, १० चैत । कोरोना भाइरस (कोभिड-१९)को त्रासले काठमाडौं उपत्यका नै अहिले सुनसान बनेको छ। कोरोना संक्रमण, रोकथाम गर्न सरकाले सोमबारदेखि लागू हुनेग री लामो दूरीका सवारी सञ्चालनमा रोक लगाएको छ।  कोरोना रोकथाम तथा नियन्त्रण उच्चस्तरीय समन्वय समितिको बैठकले भिडभाडमा नहिड्न, २५ भन्दा बढी भेला नहुन र स्कुल–कलेजसमेत बन्द गर्ने निर्णय गरेको थियो। त्यसलगत्तै धेरै जसो काठमाडौं छाडेर गाउँ गएका छन् भने अहिले काठमाडौं सुनसान बनेको छ।

उता, नेपालको राष्ट्रिय बसपार्कका रुपमा रहेको गोगँबुस्थित नयाँ बसपार्क सुनसान बन्दै गएको छ । सरकारले विश्वमा फैलिँदै गएको कोभिड–१९ को सम्भावित सङ्क्रमणलाई मध्यनजर गर्दै यही चैत १० देखि २१ गतेसम्म सार्वजनिक सवारी साधन बन्द गर्ने निर्णय गरेसँगै आजदेखि नयाँ बसपार्क सुनसान बनेको हो ।

नयाँ बसपार्क सञ्चालनको जिम्मा लिएको ल्होत्से बहुउद्देश्यीय प्रालिका अध्यक्ष दीपक कुँवर अधिकांश बस यात्रु बोकेर काठमाडौँ बाहिर गएकाले नयाँ बसपार्क सुनसान बन्दै गएको बताउनुहुन्छ । “नयाँ बसपार्कभित्र रहेका अधिकांश बस आज बिहानसम्म यात्रु बोकेर उपत्यका बाहिरिएका छन्”, उहाँले भन्नुभयो ।

महानगरीय ट्राफिक प्रहरी महाशाखाका अनुसार पाँच दिनमा सात लाखभन्दा बढी यात्रु उपत्यकाबाट बाहिरिएका छन् । महाशाखाका प्रवक्ता, प्रहरी उपरीक्षक जीवनकुमार श्रेष्ठ कोभिड–१९ को सम्भावित जोखिमलाई मध्यनजर गर्दै अधिकांश व्यक्ति घर फर्कंदा काठमाडौँका सडक सुनसान बन्दै गएको बताउनुहुन्छ ।

नयाँ बसपार्कमा हाल दैनिक एक हजार ५०० हाराहारीमा सवारी साधन ओहोरदोहोर गर्दै आएका छन् । ल्होत्से बहुउदेश्यीय प्रालिका महाप्रबन्धक सुनिल कुँवर पछिल्ला केही दिन नयाँ बसपार्कमा यात्रुको खचाखच भए पनि आजबाट लामो दूरीका सवारी साधन गुड्न छोडेपछि बसपार्क सुनसान बन्दै गएको बताउनुहुन्छ । एकसय ६२ रोपनी क्षेत्रफलमा फैलिएको नयाँ बसपार्कमा हाल एक हजारभन्दा बढी सवारी साधन पार्किङ गर्न मिल्छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ