धनगढी, चैत १ ।
हेभेन्स मण्टेश्वरी एण्ड चिल्डे«न हाउसको छैठौं वार्षिकोत्सव सम्पन्न भएको छ ।
धनगढी उपमहानगरपालिका वडा नम्बर २ चौराहमा रहेको हेभेन्स मन्टेश्वरीले छैठौं बार्षिकोत्सव सम्पन्न गरेको हो । २०७० सालमा स्थापना भएको मन्टेश्वरी शिक्षा दिदै आएको विद्यालयले यसपालीको वार्षिकोत्सव आफ्नै नवनिर्मित भवनमा मनाएको हो ।
विद्यालयकी प्रिन्सिपल ईर्शा शर्माको अध्यक्षतामा भएको कार्यक्रमकी प्रमुख अतिथि दृष्टि फाउण्डेसकी सञ्चालिका कल्पना भट्ट रहेकी थिईन् । वार्षिकोत्सवकै अवसरमा विद्यार्थीहरुको दिशान्त समारोह समेत आयोजना गरिएको थियो । सो अवसरमा विद्यार्थीहरुले विभिन्न सांस्कृति प्रस्तुतीहरु प्नि देखाएका थिए । वार्षिकोत्सवमा पढाई र खेलकुदमा उत्कृष्ट विद्यार्थीहरुलाई पुरस्कार समेत वितरण गरिएको थियो ।
यस्तै विद्यालयले वार्षिकोत्सवको अवसरमा जेष्ठ नागरिकहरुलाई खाना समेत खुवाएको छ । विद्यालय नजिकै रहेको राम जानकी मन्दिरमा रहेका ३५ जना जेष्ठ नागरिकहरुलाई विद्यालयमै वोलाएर खाना खुवाईएको हो ।
पिजीदेखि युकेजीसम्म सञ्चालित हेभेन्स मण्टेश्वरी एण्ड चिल्डे«न हाउसले गुणस्तरीय शिक्षासँगै वालवालिकाहरुको व्यक्तीत्व विकासमा विशेष ध्यान दिईरहेको विद्यालयका संस्थापक विवेक शर्माले जानकारी दिए ।
