कोरोनाको त्रासः हिमाल आरोहण रोकियो

कोरोनाको त्रासः हिमाल आरोहण रोकियो

  • शुक्रबार, फाल्गुन ३०, २०७६
  • मिर्मिरे अनलाइन

  • 7.2K
    SHARES

काठमाडौं, फागुन ३० । सरकारले कोरोना भाइरसको सन्त्रासका कारण यस वर्षको वसन्त ऋतुमा गरिने हिमाल आरोहण स्थगित गरेको छ ।

कोरोना भाइरस भित्रिन नदिन सतर्कता अपनाउँदै सरकारले यस सिजनमा हुने सबै हिमाल आरोहण स्थगित गर्ने निर्णय गरेको हो ।

उच्चस्तरीय समन्वय समितिको बिहीबार बसेको बैठकले वसन्त ऋतुका सबै हिमाल आरोहण स्थगित गर्ने निर्णय भएको अर्थ, सञ्चार तथा सूचना प्रविधिमन्त्री युवराज खतिवडाले जानकारी दिएका हुन् ।

पर्वतारोहणका लागि राम्रो मानिने वसन्त ऋतुमा आरोहण स्थगित गर्नुपर्दा पर्यटन क्षेत्र र मुलुकलाई भने ठूलो असर पर्ने छ । सरकारले विभिन्न हिमाल आरोहणका लागि दिएको अनुमति योसँगै रद्द भएको छ ।

समन्वय समिति बैठकले यसअघि दिइएका अनुमति रद्द गर्ने र नयाँ अनुमति नदिने निर्णय गरेपछि आरोहणको तयारीमा रहेका व्यवसायीहरु मर्कामा पर्ने देखिन्छन् ।

विभिन्न १९ निर्णय गरेको समन्वय समितिको बैठकले ‘नेपालमा पर्वतारोहण गर्ने गरी सन् २०२० को वसन्त ऋतुका लागि जारी गरिएको वा जारी गरिने अनुमति पत्र हाललाई स्थगित गर्ने’ निर्णय गरेको हो ।

 

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ