श्रीमानद्वारा दाउराले हानेर प्यारालाइसिस भएकी वृद्धा श्रीमतीको हत्या

श्रीमानद्वारा दाउराले हानेर प्यारालाइसिस भएकी वृद्धा श्रीमतीको हत्या

  • सोमवार, फाल्गुन २६, २०७६
  • मिर्मिरे अनलाइन

  • 5.2K
    SHARES

विराटनगर, २६ फागुन ।
विराटनगर महानगरपालिका–१२ मलंगवाका ७२ वर्षीय परण ऋषिदेवले दाउराले हानेर आफ्नै वृद्धा श्रीमतीको हत्या गरेका छन् । सोमबार सिसौको दाउराले प्रहार गर्दा ७० वर्षीया श्रीमती सवुत्री ऋषिदेवको मृत्यु भएको प्रहरीले जनाएको छ ।

दुई जनाबीच भएको विवादका कारण परणले श्रीमतीलाई दाउराले हानेका थिए । विवादको बिषय भने खुल्न नसकेको प्रहरीले जनाएको छ । सवुनी प्यारालाइसिसका कारण पाँच वर्षदेखि अपांगता जीवन विताइरहेकी थिईन् ।

वडा प्रहरी कार्यालय विराटनगरका डीएसपी वेदप्रसाद गौतमका अनुसार श्रीमतीको हत्या गरेका परणले अत्याधिक मादक पदार्थ सेवन (मापसे) गरेको पाइएको छ । प्रहरीले नियन्त्रणमा लिइएका उनी रक्सीको नसामा थिए । प्रहरीले मापसेका कारण सुरु भएको विवाद हत्यामा पुगेर टुँगिएको जनाएको छ ।
श्रीमान र श्रीमतीबीचमा दिउँसो झगडा भएको सुनेको स्थानीय बासिन्दाले बताए पनि प्रहरीलाई घटनाका बारेमा साँझ मात्रै खवर आएको थियो । वृद्ध र वृद्धा प्राय मापसे गरेर झगडा गरिरहने स्थानीयले प्रहरीलाई बताएका छन् ।
आफ्नो नाममा केही पनि सम्पत्ति नभएको ऋषिदेव परिवार सुकुम्बासी जीवन विताइरहेको थियो । एउटा सानो झुप्रो घरबाट गुजरा चल्दै थियो । ऋषिदेव दम्पत्तिका तीन छोरा मध्ये अपांगता भएका दुई जनाको बोली आउँदैन । एक जना छोराले ज्यालामजदुरी गरेर परिवार धान्दै आएका थिए ।
प्रहरीले हत्यामा प्रयोग भएको दाउरा बरामद गरेको छ । श्रीमतीको हत्यामा संलग्न वृद्धलाई पक्राउ गर्दै शव पोस्टमार्टमका लागि कोशी अस्पताल लगेर घटनाको अनुसन्धान सुरु गरिएको डीएसपी गौतमले बताए ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ