धनगढी, फागुन ८ ।
धनगढी चौराहमा रहेको ह्याभेन्स मन्टेश्वरी एण्ड चिल्ड्रेन हाउसले सञ्चालन गरेको कमुनिटी हेल्पर कार्यक्रम सम्पन्न भएको छ । धनगढी उपमहानगरपालिका वडा नम्बर २ स्थित हालै आफ्नै भवनमा सरेको ह्याभेन्स मन्टेश्वरीले कमुनिटी हेल्पर कार्यक्रम सम्पन्न गरेको हो ।
बालबालिकाहरुलाई समाजमा सहयोग गर्ने मानिस र उनीहरुले गरिरहेको पेशाका वारेमा वालवालिकालाई जानकारी दिनका लागि कमुनिटी हेल्पर कार्यक्रम गरिएको मन्टेश्वरीकी प्रिन्सिपल ईशा शर्माले जानकारी दिनुभयो ।
कमुनिटी हेल्पर कार्यक्रम अन्र्तगत प्रहरी, स्वास्थकर्मी, व्यवसायी, सिकर्मी र सञ्चारकर्मीहरुसँग अन्तरक्रिया तथा प्रत्यक्ष अवलोकन लगायतका कार्यहरु गरिएको हो ।
वालवालिकाहरुलाई समाजिक काम गर्ने पेशामा आवद्ध रहेकाहरुसँग साक्षात्कार गराएर उनीहरुले त्यसको वारेमा जानकारी दिईएको हो । ह्याभेन्स मन्टेश्वरीले विगत ७ बर्षदेखि मन्टेश्वरी शिक्षा प्रदान गर्दै आएको छ । पिजीदेखि युकेजीसम्म मन्टेश्वरी पढ्दै गर्दै वालवालिकाहरुलाई शिक्षा प्रदान गर्दै आएको छ ।
