बिरगंज , फागुन ६ । बिरगंज महानगरपालिका ४ मा रहेको मनकामना माध्यमिक विद्यालय २० बर्ष पुरा गरि २१ औं बर्षमा प्रवेश गरेको छ ।मनकामना माबीको स्थापना २०५५ फागुन ६ गते भएको थियो । मनकामना माबीको २१ औं स्थापना दिवशको उपलक्षयमा बार्षिक पुरस्कार बितरण तथा सास्कृतिक कार्यक्रमको आयोजना गरि धुमधामका साथ मनाईएको थियो ।
मनकामना माबीका प्रिन्सिपल पुरन प्रधानको अध्यक्षतामा र प्रदेश २ का आन्तरिक मामिला तथा कानुन मन्त्री ज्ञानेन्द्र कुमार यादवको प्रमुख आतिथ्य सो कार्यक्रम सम्पन्न भएको थियो । बिरगंजको परम्परा पार्टी प्यालेसमा मंगलवार भएको बार्षिकोत्सवमा राजपा पर्साका अध्यक्ष एवं मनकामना माबीका संरक्षण राजेशमान सिंह , शिक्षा बिद एवं बिसिसी क्याम्पसका प्रिन्सपल सुशील भट्टराई , प्याप्सन पर्साका अध्यक्ष डा हरिशन्कर साह लगायतकाको उपस्थिति रहेको थियो ।
स्कुलले सो कार्यक्रम विभिन्न नृत्य , नाटक , कविताहरु प्रस्तुत गरेका थिए । त्यसै गरि बार्षिकोत्सवको अवसरमा मनकामना माबीमा २०७५ सालमा एलकेजि देखि १० कक्षा सम्ममा उत्कृष्ट हुने विद्यार्थीहरुलाई प्रमुख अतिथिले पुरस्कार बितरण गर्नु भएको थियो ।कार्यक्रम सन्चालन बलराम श्रेष्ठले गर्नु भएको थियो ।
