उड्डयन प्राधिकरण नटुक्र्याउन कर्मचारी संगठनको आग्रह, अटेर गरे सबै विमानस्थल नै ठप्प पार्ने चेतावनी

उड्डयन प्राधिकरण नटुक्र्याउन कर्मचारी संगठनको आग्रह, अटेर गरे सबै विमानस्थल नै ठप्प पार्ने चेतावनी

  • बुधबार, पुस ९, २०७६
  • मिर्मिरे अनलाइन

  • 3.4K
    SHARES

पुस ९, काठमाडौँ ।

प्राधिकरणको आधिकारिक ट्रेड युनियनले नेपाल नागरिक उड्डयन प्राधिकरणलाई नियमनकारी र सेवाप्रदायी संस्थाका रुपमा विभाजन गर्न मन्त्रिपरिषद्मा दर्ता गरिएको विधेयक फिर्ता लिन आग्रह गरेको छ ।

बुधबार बबरमहलस्थित मुख्यालमा प्राधिकरणको युनियनले पत्रकार सम्मेलन गर्दै प्राधिकरण विभाजनार्थ तयार गरिएको विधेयक फिर्ता लिन सरकारलाई आग्रह गरेको हो ।

प्राधिकरण टुक्र्याउन हवाई माफियाको समूह संलग्न रहेको आरोप लगाउदै कर्मचारी युनियनले आफुहरुको माग व्यवस्था गरे हस्ताक्षर अभियानदेखि आमरण तथा रिले अनसन, प्रधान कार्यालयमा तालाबन्दी, वार्षिकोत्सव समारोह बहिष्कार गर्ने तथा सम्पूर्ण विमानस्थलहरुको अपरेशन सेवा ठप्प पार्ने सम्मका विरोध कार्यक्रम गर्ने विज्ञप्ती मार्फत् घोषणा गरेका गरेका छन्।

विज्ञप्तिमा भनिएको छ, ‘प्राधिकरणले आर्थिक रुपमा हाासिल गरेको सफलतालाई देखी नसहने हवाई माफिया समूहले ०७१ साल देखि नै प्राधिकरण विभाजन गरी यस अर्न्तगत निर्माणाधिन विमानस्थलहरु भैरहवा तथा निजगढ निजीकरण गर्न षड्यन्त्रको खेल चरणवद्ध सुरु गरेको छ । हालै प्राधिकरण विभाजन सम्बन्धी विद्येयकहरु मन्त्रिपरिषद्मा दर्ता गराई आफ्नो अभिष्ट पूरा गर्न हवाई माफिया प्रयासरत छन।’

सरकारले नेपालमा नागरिक उड्डयनको विकास र विस्तार गर्न तथा सम्पूर्ण हवाई परिवहन सेवाको सञ्चालन सुरक्षित, नियमित, स्तरीय र प्रभावकारी बनाउन अन्तर्रा्ष्ट्रिय नागरिक उड्डयन संगठनको व्यवस्था अनुसार तत्कालीन् हवाई विभागलाई ०५५ पुस १६ गते नेपाल नागरिक उड्डयन प्राधिकरणमा रुपान्तर गरेको थियो।

यसैबीच युनियनका महासचिव मिनप्रसाद खनालले आफ्ना मागबारे पर्यटनमन्त्री योगेश भट्टराईलाई ज्ञापन पत्र बुझाएपनि उनले विधेयकबाट पछि नहट्ने जवाफ दिएको बताए। ‘हामीसँगको भेटमा मन्त्री भटराईले पछि नहट्ने, हटेर इतिहासमा कलंक नहुने बताउनुभयो,’ महासचिव खनालले भने।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ