कृष्णबहादुर महरा थुनामै रहने, उच्चद्वारा जिल्ला अदालतकै आदेश सदर

कृष्णबहादुर महरा थुनामै रहने, उच्चद्वारा जिल्ला अदालतकै आदेश सदर

  • बिहिबार, पुस ३, २०७६
  • मिर्मिरे अनलाइन

  • 5.7K
    SHARES

काठमाडौं, ३ पुस ।  पूर्वसभामुख कृष्णबहादुर महरा थुनामै रहने भएका छन् । उच्च अदालत पाटनका मुख्य न्यायाधीश नहकुल सुवेदी र न्यायाधीश टेकनारायण कुंवरको संयुक्त इजलासले जिल्ला अदालतकै आदेश सदर गरेपछि महरा थुनामै रहने भएका हुन् ।

जिल्ला अदालत काठमाडौंले यसअघि महरालाई पुर्पक्षका लागि थुनामै राख्न आदेश दिएको थियो । थुना आदेश गैरकानुनी रहेको दावी सहित महराले उच्च अदालत पाटनमा निवेदन दिएका थिए । उनले साधारण तारेखमा बसेर मुद्दा लड्न पाउनुपर्ने माग गरेका थिए । तर उच्च अदालत पाटनले जिल्ला अदालतको सदर सदर गरेसँगै अब महराले थुनामै बसेर मुद्दाको सामना गर्ने भएका छन् ।

महराको निवेदनमा सुनुवाइपछि जिल्लाको आदेश सदर भएपछि बिहीबार साँझ महरालाई सदरखोर डिल्लीबजारमै लगिएको छ । महराको सुनुवाइको क्रममा उनीसँगै विवादमा मुछिएकी रोशनी शाही पनि इजलासमै थिइन् ।

रोशनीले महराबाट आफूमाथि दुव्र्यवहार नभएको भन्दै अदालतमा वकपत्र गरेकी छन् । तर आफूमाथि महराबाट बलात्कार प्रयास भएको भन्दै घटनालगत्तै बानेश्वर प्रहरी वृत्तमा रोशनीले नै किटानी जाहेरी दिएकी थिइन् ।

शाहीमाथि जबरजस्ती करणी गरेको प्रारम्भिक प्रमाण भेटिएको भन्दै जिल्ला अदालतका प्रमुख न्यायाधीश सुदर्शनराज पाण्डेको इजलाशले महरालाई कात्तिक १८ गते डिल्लीबजारस्थित कारागारमा राख्न आदेश दिएको थियो।

पुर्पक्षमा जेल पठाउने आदेशविरुद्ध महरा उच्च अदालत पाटनमा मंसिर ५ गते निवेदन दर्ता गरेका थिए। महराको निवेदनको सुनुवाइ गर्दै मंसिर ६ गते उच्च अदालतका मुख्य न्यायाधीश सुवेदीको एकल इजलासले जिल्ला अदालतले आदेश दिँदाको आधार र सक्कल मिसिल पठाउन आदेश दिएको थियो। महरा असोज १९ गते सभामुख निवास बालुवाटारबाट पक्राउ परेका थिए।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ