काठमाण्डौं मंसीर ३० । युवतीहरुलाई जबर्जस्ती यौन कार्यमा लगाउदै आएका तीन जनालाई प्रहरीले चितवनबाट पक्राउ गरेको छ । प्रहरीले होटल सञ्चालक जुगेडीका ५० वर्षीय जंगबहादुर क्षेत्री र ३९ वर्षीया निर्मला थापा क्षेत्री र सुनसरी धरानकी २४ वर्षीया रोशिका राईलाई पक्राउ गरेको हो ।
काठमाडौंबाट हराएका दुईजना युवतीको खोजी गर्ने क्रममा प्रहरीले उनीहरुलाई पक्राउ गरेको जनाएको छ । काठमाडौं डेरा गरी बस्ने १४ र २२ वर्षका युवती गएको कात्तिक २८ गतेदेखि हराएका थिए । उनीहरुको पनि जुगेडीको सोही होटलबाट उद्धार गरिएको हो ।
होटलबाट पनि उम्काएर उनीहरुलाई अन्यत्र लैजान खोजेका बेलामा प्रहरीले उनीहरुको उद्दार गरेको हो’ चितवन प्रहरी कार्यालयका प्रमुख रहेका प्रहरी उपरिक्षक (एसपी) दानबहादुर मल्लले जानकारी दिए ।
ती युवतीहरुलाई भरतपुर महानगरपालिका–२९ जुगेडीमा सञ्चालन भएको होटलमा राखेर जर्बजस्ती यौन कार्यमा संलग्न गराउने गरेको पत्ता लागेको एसपी मल्लले बताए । ‘रोशिकाले ती युवतीहरुलाई काठमाडौंबाट फकाएर जुगेडीसम्म ल्याएको खुलेको छ’ एसपी मल्लले भने। उनीहरु शनिबार समातिएका हुन् ्।
जुगेडीको उक्त होटलमा यौन गतिविधि हुने भूमिगत कोठा पनि रहेको मल्लले बताए। पिडित युवतीका आफन्तले पक्राउ भएका व्यक्तिहरु विरुद्ध मानव बेचबिखन तथा ओसारपसार अपराधमा सजाय माग गर्दै उजुरी दिएको एसपी मल्लले जानकारी दिए ।