जनकपुरमा भेटिएको बम निस्कृय पारेलगत्तै अर्को स्थानमा पनि शंकास्पद वस्तु फेला

जनकपुरमा भेटिएको बम निस्कृय पारेलगत्तै अर्को स्थानमा पनि शंकास्पद वस्तु फेला

  • सोमवार, मंसिर ३०, २०७६
  • मिर्मिरे अनलाइन

  • 6K
    SHARES

धनुषा, ३० मंसिर ।

धनुषाको जनकपुर उपमहानगरपालिका वडा नम्बर ९ मा भेटिएको बम सेनाले आज बिहान निष्क्रिय पारेलगत्तै नजिकै फेरि अर्काे शंकास्पद वस्तु फेला परेको छ।

प्रहरीका अनुसार पहिले बम भेटिएको संकटमोचन मन्दिरदेखि दुई सय मिटरजति पूर्व बाह्रबिघास्थित सरस्वती उच्च माविनजिक सडकमा शंकास्पद वस्तु देखिएको हो।

एउटा बम डिस्पोज गरेलगत्तै देखिएको उक्त वस्तु बम हो कि होइन भनेर अहिले सुरक्षाकर्मी अनुसन्धानमा जुटेका छन्। प्लाष्टिकमा बेरिएको अवस्थामा बमजस्तै शंकास्पद वस्तु फेला परेको जिल्ला प्रहरी कार्यालय, धनुषाका प्रवक्ता डीएसपी रामेश्वर कार्कीले जानकारी दिए ।

विद्यालयनजिक सडक बीचमा शंकास्पद वस्तु फेला परेपछि प्रहरीले उक्त क्षेत्रमा आवतजावतमाथि रोक लगाएको छ।

यसअघि संकमोचन मन्दिरदेखि पश्चिम बागवानी जाने बाटोछेउमा आइतबार राति ९ बजे बम भेटिएको थियो। जसलाई आज बिहान मात्रै सेनाको डिस्पोजल टोलीले निष्क्रिय पारेको थियो।

स्थानीय एक पसलको पर्खालमा झोलामा राखिएको बम रातभर सुरक्षा घेरा हालेर राखिएको थियो। यसअघि धनुषाकै महेन्द्रनगरमा शुक्रबार राति बम विस्फोट हुँदा प्रहरी निरिक्षकसहित तीन जनाको मृत्यु भएको थियो। चार जना गम्भीर घइते भएका छन् ।

यो घटना सेलाउन नपाउँदै पुनः शंकास्पद वस्तु भेटिएपछि स्थानीय त्रसित बनेका छन् ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ