मंसिर २७ काठमाण्डौं । नेपालको कालापानी जहाँ झण्डै ६० बर्षदेखि भारतीय सेना ब्यारेक बनाएर बसेको छ । भारतीय दवावमा त्यतिखेर तात्कालीन राजा महेन्द्रले चीन भारत युद्धका बेला अस्थायी रुपमा बस्न दिएको भुभागबाट उनीहरुको युद्ध पछि पनि सेना फर्किएन ।
सोही भूभागलाई यस पटक भारतले आफ्नो राजनीतिक मानचित्रमा समावेश गरे पछि विवाद बढीरहेका बेला अब नेपालले पनि सो क्षेत्रमा सुरक्षाफौज परिचालन गर्ने तयारी शुरु गरेको छ ।
कुटनैतिक रुपमा पत्राचार गरे पनि भारतले कुनै पनि जवाफ नदिएका बेला सरकारका गृहमन्त्री राम बहादुर थापाले
ससदीय समितिको बैठकमा बोल्दै गृहमन्त्री रामबहादुर थापाले कालापानीमा भारतीय सुरक्षाकर्मीलाई ‘काउन्टर’ दिन नेपालले पनि सुरक्षाकर्मी खटाउने बताएका छन् ।
भारतले उक्त स्थानमा सशस्त्र सीमा बल (एसएसबी) खटाउँदै आएकामा केही समययता सेना समेत तैनाथ गरेको उनले उल्लेख गरे ।
‘आफ्नो उपस्थितिलाई उनीहरुले अझ विस्तार गरिरहेका छन् । एसएसबीमात्रै होइन, आर्मी नै उनीहरुले त्यहाँ राखेका छन्’–गृहमन्त्री थापाले भने–‘त्यो डिटेल हामीसित छ ।’
उनले भने–‘उनीहरुले थुप्रै आउट पोस्टहरु पनि त्यहाँ राखेका छन् । त्यसको काउन्टरमा अब हामीले हाम्रा सुरक्षा बलहरुलाई त्यहाँ विन्यास गर्ने अहिले योजना बनाइएको छ ।’
गृहमन्त्री थापाले भारतसँगको १८ सय किलोमिटर लामो सीमा सुरक्षाका लागि हाल विद्यमान ३७ हजार सशस्त्र प्रहरी खटाउँदा पनि अपुग हुने भन्दै एक सय २ वटा बोर्डर अप्रेसन पोष्टमा ७० वटा जति थप्ने तयारी भएको जनाए ।
तर भारतले अझै अटेर गरेर भूमि फिर्ता नगरे के गर्ने भन्ने योजनाबारे भने मन्त्री थापाले केही बताएनन् ।
सिमा विवादबारे बिषय उठे पछि भारतले थप सेना र सुरक्षा बल थपेर नेपालमाथि थप चूनौती पेश गरीरहेको छ ।
बैठकमा सत्तारुढ दल नेपाल कम्युनिस्ट पार्टी (नेकपा)का नेता माधवकुमार नेपालले विवादास्पद भूमि नेपालको भन्ने यथेस्ट प्रमाण रहेको बताए । छलफलमा सहभागी नेकपाका अर्का नेता भीम रावलले लिम्पियाधुरा समेटिएको नक्सा सार्वजनिक गर्न ढिलाइ गरिएकोप्रति प्रश्न गरेका थिए ।