काठमाडौं, मंसिर २७ ।
दशकौं पहिलेको नेपाल–भारत सीमा समस्या रातारात समाधान गर्न नसकिने गृहमन्त्री रामबहादुर थापाले बताउनु भएको छ ।
प्रतिनिधिसभाको अन्तर्रा्ष्ट्रिय सम्बन्ध समितिमा आज भएको छलफलमा गृहमन्त्री थापाले भारतले दसकौं पहिले नेपाली भूभाग मिचेको र त्यो फिर्ता ल्याउन समय लाग्ने बताउनु भएको हो । गृहमन्त्री थापाले भारतले मिचेको नेपाली भूमि फिर्ता ल्याउनेबारे सरकारले गम्भीर कदम चालिरहेको बताउनु भयो ।
दसकौं हल नभएको मुद्दा रातारात हल नहुन भन्दै उहाँले सरकारी र अन्य तहबाट गम्भीर रूपमा भूमि फिर्ता ल्याउन अभियान चाल्नुपर्ने बताउनु भयो । समितिको छलफलमा समाजवादी पार्टीकी सांसद सरिता गिरीले भारतले सीमा मिचेकोबारे त्यतिबेलाका सरकारहरूले के प्रतिक्रिया दिएका थिए भन्ने प्रश्न गर्नु भएको थियो ।
त्यसको जवाफ दिदै गृहमन्त्रीले विगतका सरकारले औपचारिक अडान नछोडेको र राज महेन्द्रले पनि कालापानीको विषयमा पनि अडान राखेको बताउनुभयो । भारतले नेपालको उत्तरी सीमानामा राखेका १८ सुरक्षा चौकी मध्ये १७ हटाएका थिए भने एउटा हटाउन नसकेको बताउनुभयो ।
कालापानी, लिपुलेक र लिम्पियाधुरा नेपालको भएको भन्ने तमाम प्रमाण सरकारसँग रहेको गृहमन्त्री थापाले जानकारी दिनुभयो । लिम्पियाधुरामा नेपालको स्वामित्व र सार्वभौमिकता कायम गर्न बाँकी रहेको उहाँको भनाई थियो । सीमाबारे अध्ययनका लागि सरकारले गरेका समितिले छिट्टै काम थाल्ने गृहमन्त्रीको भनाइ थियो।