दशगजामा भारतीय एसएसबीले नियम विपरीत बनायो सुरक्षा पोष्ट

दशगजामा भारतीय एसएसबीले नियम विपरीत बनायो सुरक्षा पोष्ट

  • शुक्रबार, मंसिर २७, २०७६
  • मिर्मिरे अनलाइन

  • 3.6K
    SHARES

नवरपरासी, मंसिर २७ ।

पश्चिम नवलपरासीसँग सीमा जोडिएको दसगजा क्षेत्रमा भारतीय एसएसबीले नियम विपरीत पोष्ट स्थापना गरेको छ ।

भारतको उत्तर प्रदेश र बिहारसँग सीमाना जोडिएको पश्चिम नवलपरासीस्थित नेपाल प्रवेश गर्ने विभिन्न नाकाका दसगजा क्षेत्रमै टाँसेर पोष्ट स्थापना गरेको पाइएको हो ।

पाल्हीनन्दन गाउँपालिका– ५ को चिमनटोलादेखि सुस्तासम्म साढे २७ किलो मिटर लामो सीमा क्षेत्रका केही स्थानमा एसएसबीले दसगजाको जमिनमै पर्ने गरि पोष्ट निर्माण गरेको छ ।

केही स्थानमा एसएसबीले दसगजा क्षेत्रमा पर्ने गरी पोष्ट निर्माण गरेको प्रमुख जिल्ला अधिकरी शम्भुप्रसाद मरासिनीले बताउनु भयो । सीमा क्षेत्रमा सशस्त्र प्रहरीका ३ वटा बिओपी कार्यालय मात्र छन् । भारततर्फ भने एसएसबीका १० बढी पोष्टहरु रहेका छन् ।

यसैबीच जिल्लास्थित सुरक्षाअधिकारीको संयुक्त अनुगमन टोलीले दसगजा क्षेत्रमा निर्माण गरिएका केही सीमा स्तम्भहरुको रङ रोगन मेटिएको र केहीको नम्बरहरु पनि मेटिएको पाइएको प्रमुख जिल्ला अधिकारी मरासिनीले जानकारी दिनुभयो ।

सीमा क्षेत्रमा १३ वटा प्रमुख र ३ वटा सहायक गरी १६ वटा सीमा स्तम्भहरु छन् । सीमा स्तम्भको मर्मत संभार दुवै देशले गर्नुपर्ने प्रावधान छ । सीमा स्तम्भका बारेमा पनि सम्बन्धित निकायमा जानकारी गराउने जिल्ला प्रशासन कार्यालयले जनाएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ