स्वरसम्राट नारायणगोपाल गुरुवाचार्यको २९ औं स्मृति दिवस मनाइदैं

स्वरसम्राट नारायणगोपाल गुरुवाचार्यको २९ औं स्मृति दिवस मनाइदैं

  • बिहिबार, मंसिर १९, २०७६
  • मिर्मिरे अनलाइन

  • 5.7K
    SHARES

काठमाडौं, १९ मंसिर ।
नेपाली सङ्गीत क्षेत्रका चम्किला तारा स्वरसम्राट नारायणगोपाल गुरुवाचार्यको २९ औँ स्मृति दिवस आज विभिन्न कार्यक्रमको गरि मनाईदैछ ।

स्मृति दिवसका अवसरमा नारायण गोपाल सङ्गीत कोषले उहाँको सम्झनामा विभिन्न कार्यक्रम गर्दैछ । संगीत आकाशका धरोहर नारायण गोपालको २९ वर्ष अघि निधन भएको थियो । नेपाली सङ्गीतका क्षेत्रमा गहिरो प्रभाव छोड्न सफल नारायणगोपाल नेपाली जनजनको मनमा अहिले पनि जीवन्त हुनुहुन्छ ।

बुबा आशगोपाल गुरुवाचार्य र आमा रामदेवीका कोखबाट उहाँको १९९६ असोज १८ गते काठमाण्डौमा जन्म भएको थियो । उहाँको २०४७ मङ्सिर १९ गतेका दिन ५१ वर्षको उमेरमा निधन भयो ।

‘आँखा छोपी नरोऊ भनी’, ‘पर्खी बसेँ आउला भनी’, ‘यति धेरै माया दिइ’, ‘यो सम्झिने मन छ’, ‘अल्झेछ क्यारे पछ्यौरी तिम्रो’, ‘म त लालीगुराँस भएछु’, ‘ल सुन मेरो रामकहानी’, ‘यति चोखो यति मीठो’, ‘तिमीलाई म के भनु’ लगायतका दर्जनौँ कर्णप्रिय गीतहरु नारायण गोपालले गाउनुभएको छ ।

उहाँका कालजयी गीतले नेपाली गीत–सङ्गीतको स्वरुप नै बदलिदियो । उहाँका गीत आजपनि उतिकै लोकप्रिय छन् ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ