अयोध्याका जन्ती आज साँझ जनकपुर पुग्दै

अयोध्याका जन्ती आज साँझ जनकपुर पुग्दै

  • बिहिबार, मंसिर १२, २०७६
  • मिर्मिरे अनलाइन

  • 9.8K
    SHARES

महोत्तरी, १२ मङ्सिर ।
रामजानकी विवाह महोत्सवका लागि भारतको अयोध्याबाट ंआएका जन्ती आज साँझ जनकपुरधाम पुग्नेछ ।
आज बिहान मटिहानीबाट जन्तीको लावालस्कर जिल्ला सदरमुकाम जलेश्वरस्थित श्री जलेश्वरनाथको दर्शन गर्दै साँझ जनकपुरधाम पुग्ने लक्ष्मीनारायण मठका उत्तराधिकारी मानमहन्थ रवीन्द्रदास वैष्णबले बताउनु भयो ।

भारतबाट आएका जन्ति हिजो साझ मटिहानीमै बास बसेका थिए । मटिहानीबाट जनकपुरका लागि प्रस्थान गरेपछि जिल्लाकै पिपरा गाउँपालिकाको चाँदनीचोकमा दिवा खाना खुवाएर विश्राम गराई जन्तीलाई जनकपुरतर्फ बिदा गर्ने चलन रहे पनि यसपालि भने उपनिर्वाचनका कारण जन्ती सोझै जनकपुर पुग्नेछन् ।

जनकपुरमा सप्ताहव्यापी विवाहपञ्चमी महोत्सव मङ्गलबार नै शुरु भएको छ । पहिलो दिन जनकपुर नगर दर्शन, दोस्रो दिन फूलबारी लीला, तेस्रो दिन धनुषभङ्ग, चौथो दिन मटकोर, पाँचौँ दिन तिलकोत्सव, छैठौँ दिन स्वयम्वर र वैवाहिक कार्यक्रम र सातौँ दिन रामकलेवा विधिसाथ महोत्सव सम्पन्न गरिने चलन छ । महोत्तरी नाकाबाट प्रवेश गरेका जन्तीलाई विवाहपश्चात् रामकलेवा विधि सम्पन्न गरेर वीरगञ्ज नाकाबाट अयोध्याका लागि बस्त्र आभूषणसहित बिदाइ गरिने जानकी मन्दिर प्रशासनले जनाएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ