काठमाडौंमा ठूलो मात्रामा लागुऔषधसहित तीन जना पक्राउ

काठमाडौंमा ठूलो मात्रामा लागुऔषधसहित तीन जना पक्राउ

लागुऔषध पोल्याण्ड १ किलो सहित भारतिय नागरिक नियन्त्रणमा

  • शुक्रबार, मंसिर ६, २०७६
  • मिर्मिरे अनलाइन

  • 6.4K
    SHARES

काठमाडाैं, ६ मङ्सिर ।

प्रहरीले काठमाडाैंबाट ठूलो मात्रामा लागुऔषधसहित तीन जनालाई पक्राउ गरेको छ। लागुऔषध नियन्त्रण ब्युरोको टोलीले काठमाडौँ महानगरपालिका–३२ बालकुमारी पुलबाट मकवानपुरका २४ वर्षीय धनबहादुर वाइबा, ३६ वर्षीया सुनिता गोले र रत्नपार्कबाट ५५ वर्षीय रमेश शिवभक्तिलाई बिहीबार नियन्त्रणमा लिएर आज सार्वजनिक गरेको हो ।

प्रहरीले नियन्त्रणमा परेका शिवशक्तिबाट डाइजेपाम १९४ एम्पुल, नुर्फिन १९० एम्पुल र फेनारगन १८९ एम्पुल तथा वाइबा र गोलेसँग डाइजेपाम एक हजार ४८७ एम्पुल, नुर्फिन एक हजार ५६४ एम्पुल, फेनारगन एक हजार ५७० एम्पुल र लागुऔषध नाइट्रोजेपाम पाँच हजार ५५० ट्याब्लेट बरामद गरेको ब्यूरोका प्रहरी वरिष्ठ उपरीक्षक बसन्त लामाले जानकारी दिए ।

पक्राउ परेका शिवभक्ति र वाइबा यसअघि पनि लागुऔषध कारोबारमा संलग्न रहेको ब्युरोले जनाएको छ। उनीहरू भारतको सिमा नाकाबाट नियन्त्रित मनोद्विपक पदार्थ काठमाडौं भित्र्याउने मुख्य व्यक्ति रहेको प्रारम्भिक अनुसन्धानबाट खुलेको ब्युरोले जनाएको छ। उनीहरूलाई लागुऔषध नियन्त्रण ऐन, २०३३ बमोजिम मुद्दा दर्ता गरी अनुसन्धान थालिएको प्रहरीले जनाएको छ।

उनीहरुलाई लागुऔषध नियन्त्रण ऐन, २०३३ बमोजिम मुद्दा दर्ता गरी आवश्यक कारवाही गरिने लामाले बताए ।

यी हुन् पक्राउ परेका तीन लागुअाैषध काराेवारी । लागुऔषध पोल्याण्ड १ किलो सहित भारतिय नागरिक नियन्त्रणमा

महानगरीय प्रहरी प्रभाग साँखुबाट खटिएको प्रहरी टोलीले अबैध लागुऔषध पोल्याण्ड १ किलो सहित १ जना भारतीय नागरिकलाई पक्राउ गरेको छ ।

प्रहरीले आज विहान ११स्३० बजे शंखरापुर नगरपालिका-९ इन्द्रेणीमा लागुऔषधको कारोबार भईरहेको छ भन्ने सुचनाको आधारमा खटिएको प्रहरी टोलीले बा. ९६ प.९८५३ नम्बरको मोटरसाईकललाई चेकजाँच गर्दा गोकर्णेश्वर नगरपालिका-८ माकलबारी बस्ने भारत जितिया जिल्ला पोखरियाका राकेश साहको साथबाट अबैध लागुऔषध पोल्याण्ड १ किलो बरामद गरेको छ । घटना सम्बन्धमा प्रहरीले अनुसन्धान गरिरहेको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ