काठमाडौं १० कार्तिक ।
नेपाल कम्युनिस्ट पार्टी निकट तामाङ राष्ट्रिय मुक्ति मोर्चा, नेपालले गिरफतार संगठनका केन्द्रीय सचिव सुन्तली थोकर तामाङलाई तत्काल रिहाई गर्न आग्रह गरेको छ ।
संगठनका अध्यक्ष पेम दोर्जे लामाले आज विज्ञप्ति जारी गर्दै अमानवीय, अभद्र, निकृष्ट व्यवहार पद्रर्शन गर्दै विनाकारण गिरफ्तार गरी हिरासतमा राख्ने काम गरेको प्रति घोर भत्र्सना गर्दै तत्काल रिहाईको माग गर्नुभएको हो । सुन्तलीलाई कार्तिक ५ गते घरमा सुतिरहेको बेला राती १२ बजे घरबाटै गिरफतार गरेको पनि उहाले उल्लेख गर्नुभएको छ ।
दोर्जे लामाले तामाङ समुदायको वर्गीय मुक्तिसँगै जातीय मुक्ति, ताम्सालिङ स्वायत्त प्रदेश र आत्म निर्णयको अधिकार सहितको स्वायत्तताको निम्ति निरन्तर क्रियाशिल महिला नेतृ सुन्तली थोकर तामाङलाई तुरुन्त रिहाई नगरे आम तामाङ समुदाय प्रतिरोध संघर्षमा उत्रन बाध्य हुने र यसबाट उत्पन्न कुनैपनि जटिल परिणामको जिम्मेवार स्वंम सरकार हुने चेतावनी समेत दिनुभएको छ ।