काठमाडौं, १० कार्तिक ।
अन्तर्रा्ष्ट्रिय मैत्रीपूर्ण फुटबलका लागि कतार पुगेको नेपाली अण्डर–२३ राष्ट्रिय फुटबल टिम आज आइतबार स्वदेश फर्कदै छ । अखिल नेपाल फुटबल संघ (एन्फा) ले नेपाली टिम भोली बिहान ९ बजे नेपाल आईपुग्ने जनाएको छ ।
नेपाली अण्डर–२३ टिमले शुक्रवार राति म्यानमारको अण्डर–२३ टिमसँग दोहामा मैत्रीपूर्ण खेल खेलेको थियो । उक्त मैत्रीपूर्ण खेल २–२ गोलको बराबरीमा सकिएको थियो ।
म्यानमारविरुद्ध दुई पटकको अग्रता जोगाउन नसक्दा नेपालले बराबरीमा चित्त बुझाउन पर्यो । नेपालको लागि अनन्त तामाङ र रेजिन सुब्बाले गोल गरेका थिए । म्यानमारका लिविन मोए अङले दुई गोल गरेका थिए ।
नेपालमा आयोजना हुने १३ औं दक्षिण एसियाली खेलकुद साग) को तयारीमा रहेको नेपाली टिम म्यानमारको अण्डर–२२ टिमसँग एक मैत्रीपूर्ण खेलका लागि कतार पुगेका थिए । १३ औं साग मंसिर १५ देखि २४ गतेसम्म काठमाडौं र पोखरामा सञ्चालन हुनेछ ।
