विराटनगर कार्तिक ८ । उत्तारचढावपूर्ण अभिव्यक्ति दिदै आएका नेकपाका अध्यक्ष पुष्पकमल दाहाल प्रचण्डले स्वर्गीय नेता मदन भण्डारी र प्रचण्ड ( आफ्नो ) ओरीजीन एकै भएको दावी गरेका छन् ।
विराटनगरमा दशैं तिहार छठको अवसरमा पार्टीद्धारा आयोजित चियापान समारोहमा बोल्दै प्रचण्डले मदन भण्डारी पनि झापा विद्रोहको ओरिजनल माले हुनुहुन्नथ्यो , म पनि ओरीजिनल माओवादी होईन प्रचण्डले भने । हामी दुवै पुष्पलाल समुहमा थियौं ।
मदन भण्डारीको अनुपस्थितिमा प्रचण्ड नै मदन भण्डारी भएको जिकिर गर्दै प्रचण्डले दुवै जना छोटो समयमा नै आन्दोलनको नेतृत्वको रुपमा स्थापित भएको छुट्टा छुट्टै पार्टीको महासचिवको रुपमा स्थापित भएको बताए ।
एउटै कम्युनिष्ट पार्टी बनाउनु पर्छ भनेर विगतमा मदन भण्डारी र आफूले गरेको मेहेनतलाई अध्ययन गर्न आग्रह गर्दै पार्टीले आर्जन गरेको शक्तिबाट नेताहरुमा अहंकार र घमण्ड पलाउन सक्ने भन्दै सचेत रहन अनुरोध गरे ।
कार्यक्रममा अर्का नेता तथा कार्यबाहक प्रधानमन्त्री ईश्वर पोखरेलले सञ्चार माध्यममा जतिसुकै बिषय आए पनि पार्टी एकतालाई प्रभाव नपार्ने बताए ।
उनले देश भित्र र बाहिर कम्युनिष्ट नमिलुन भनेर सत्तो सराप गर्ने शक्तिहरु रहेको भन्दै त्यसलाई मलजल गर्ने गरी अभिव्यक्ति नदिन पनि आग्रह गरे ।
