विश्व क्रान्ति अवश्यमभावी: केसी

विश्व क्रान्ति अवश्यमभावी: केसी

  • शुक्रबार, कार्तिक ८, २०७६
  • मिर्मिरे अनलाइन

  • 17.7K
    SHARES

काठमाडौँ, ८ कार्तिक । अन्तर्राष्ट्रिय लेखक/ पत्रकार केन्द्रका अध्यक्ष हस्तबहादुर केसीले विश्व क्रान्ति अवश्यमभावी भएको बताएका छन । अक्टुबर समाजवादी क्रान्तिको १०२ आंैं वर्ष गाँठको अवसरमा केसीले एक प्रेस बिज्ञप्ती जारी गर्दै ‘ महान् रुसी अक्टुवर समाजवादी क्रान्ति अमर रहोस्’ भन्दै सो कुरा बताएका हुन् । बिज्ञप्तीमा उनले आजको साम्राज्यवादी र विश्व सर्वहारा वर्ग विच जुनभीषण वर्ग संघर्ष, चलिरहेको र विश्व क्रान्ति अवश्यमभावी बताएका छन ।
अध्यक्ष केसीले बिज्ञप्तीमा भनेका छन – “महान् रुसी अक्टुवर समाजवादी क्रान्ति एक युगक्रान्तिकारी परिघटना थियो । सन् १९१७ अक्टुबर २५ (रुसी नयाँ पात्राअनुसार १९१७ नोभेम्बर ७) मा रुसी अक्टोबर समाजवादी क्रान्ति सम्पन्न भएको थियो । यो क्रान्तिले विश्वमै पहिलो पटक पुँजीवादको अन्त्य र वैज्ञानिक समाजवाद स्थापनाको पहिलो राजनीतिक घटना हुन पुगेकाले यस क्रान्तिलाई महान् तथा युगान्तकारी समाजवादी क्रान्तिको नाम दिइएको हो । यस क्रान्तिले सर्वहारावर्गलाई पुँजीवादको चिहान खन्ने वर्गको रुपमा स्थापित गरेको पहिलो राजनीतिक घटना भएकोले यस क्रान्तिलाई विश्व मानव समाजमा एक ऐतिहासिक र युगान्तकारी घटनाका रुपमा लिइन्छ । किनभने यस क्रान्तिले नयाँ युगको सूत्रपात गरेको थियो र विश्वमै पहिलो पटक सर्वहारावर्गको अघिनायकत्व स्थापना गरेको थियो । त्यसैले महान अक्टुबर समाजवादी क्रान्ति विश्वसर्वहारा श्रमजीवी वर्गको निम्ति गौरवको परिघटना बन्न पुग्यो ।
महान् रुसी अक्टुबर समाजवादी क्रान्तिको सफलताले विश्व सर्वहारा वर्ग र उत्पीडित राष्ट्रहरुका लागि एक प्रेरणाको श्रोत बन्यो । त्यस पछि पूर्वी युरोपका २० औं देशहरुमा रुसी मोडेलको समाजवाद स्थापना हुन पुग्यो । त्यसपछि विश्वको विभिन्न मुलुकहरुमा एक पछि अर्को गर्दै कम्युनिष्ट पार्टीहरु स्थापना हुन पुगे । सन् १९४५ मा उत्तर कोरिया र भियतनाममा जनवादी तथा समाजवादी क्रान्तिहरु सम्पन्न भए भने चीनमा क. माओको नेतृत्वमा सन् १९४९ मा महान् नयाँ जनवादी क्रान्ति सभ्यतमा हुन पुग्यो । त्यस पछि कम्बोडिया, क्यूवा लगायत विश्वका धेरै देशहरुमा क्रान्ति सम्पन्न हुन पुगे र विश्व जनसंख्याको एक तिहाई जनताले कम्युस्टिहरुको शासन मुनी गोल बन्द हुने अवसर प्राप्त गरे ।
तर रुस, चीन लगायतका मुलुकहरुमा प्रति क्रान्ति भएर पुँजीवादको स्थापना भएको र पेरुमा नयाँ जनवादी क्रान्तिले सेट ब्याक खानु र नेपाली नयाँ जनवादी क्रान्तिमा नेतृत्वबाटै प्रति क्रान्तिका श्रृंखलाहरु अगाडि बढाइएको वर्तमान अवस्थामा विश्व समाजवादी शिविर रक्षात्मक स्थितिमा पुगेको भए आज नेपाल, भारत, फिलिपिन्स, टर्कीलगायतका देशहरूमा क्रान्तिलाई अगाडि बढाइरहेका छन् । ती देशका क्रान्तिकारीहरूले तापनि आजको साम्राज्यवादी र विश्व सर्वहारा वर्ग विच जुनभीषण वर्ग संघर्ष, चलिरहेको छ । र विश्व क्रान्ति अवश्यमभावी छ । हाम्रो विश्वभर घटिरहेका क्रान्तिकारी लेखक÷पत्रकारहरुको प्रतिनिधि मुलुक संगठन International Writers/ Journalists Centre आज महान् रुसी अक्टुबर समाजवादी क्रान्तिको १०२ आंैं वर्ष गाँठको अवसरमा विश्वक्रान्तिप्रति ऐक्यवद्धता जाहेर गर्दै महान् रुसी अक्टुबर क्रान्तिलाई सम्मान व्यक्त गर्दछौँ ।”

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ